الله يعطيكم العافية يا رب 👀🤍
بتوقع هاد المنشور الأول فعلياً لطلاب 27 😶🌫
❃ لمحة صغيرة عن الفريق للي ما بيعرفنا:
فريق تعليمي تأسس بالـ 2022 ليساعد طلاب الباك، قناة الفيزياء هي عمرها حوالي السنتين وشوي 👀✨
وبإذن الله مكملين معكم من أول يوم لوقت تطلعوا من الفحص🥰
❃ تعريف بمادتنا الفخمة: 👀
المادة الأولى بفحص الباك واللي دائماً بتراضي الطلاب، وإذا درستها صح بتربح فيها 400 وأنت مستمتع. 🔥
❃ بتنقسم لـ 5 وحدات:
• الميكانيك "خمس دروس"
• الكهرباء "ست دروس"
• الأمواج "درسين"
• الإلكترونيات "سبع دروس"
• الفلكية "درس"
ـ القسم اللي عليه شغل أكبر هو الميكانيك والكهرباء وبس خلصوا يعني فعلياً الفيزياء فرطت.
ـ الفصل الأوّل بينتهي عند درس التحريض اللي هو الدرس الثالث بوحدة الكهرباء.
❃ الطلاب بتنقسم بدراسة المادة لقسمين:
ـ الأول اللي ببصمج كل شي وإذا غيرتله حرف رح يتلبك وما عد يعرف يتصرف.
ـ الثاني اللي بيفهم الفيزياء وبيعرف كيف وليش عم نحل هيك وهاد منين ما اجيته رح يعرف يشتغل.
❃ وللي ما بيعرف فنحن السنة الماضية عملنا نوطة فيها المنهاج كامل مع حل المسائل وشرح لكل الكتاب كلمة كلمة بالعامية 👀
وحالياً يتم العمل على تعديل النوطة وتطويرها لتطلع فخمة أكثر 👈👉
+ هي السنة بانتظاركم الكثير الكثير من الأمور اللي رح تسهل عليكم دراستكم وتساعدكم فنصيحة لا تروحوها عليكم. 🙃
وأخيراً لا تنسونا من الدعاء الله يجبر خاطركم ويفتح عليكم. 👀🤍
