Арассыыйа Федерациятын Дьоруойа, гвардия сержана Виктор Софроновы кытта «Патриот» кииҥҥэ ыччаты патриотическай иитиигэ туһуламмыт боппуруостары дьүүллэстибит.
Виктор Сафронов биһиги биир дойдулаахпыт. Анал байыаннай дьайыыга сылдьан бойобуой соруктары толорууга көрдөрбүт хорсун быһыытын иһин Арассыыйа Федерациятын Бэрэсидьиэнин Ыйааҕынан киниэхэ Арассыыйа Федерациятын Дьоруойун үрдүк аата иҥэриллибитэ. Кини Саха сириттэн Арассыыйа Дьоруойун аатын сүкпүт уон үһүс киһиннэн буолла.
Биһиги өрөспүүбүлүкэбит хорсун быһыыларынан төрөөбүт сирдэрин аатырдар дьонунан мэлдьи баай этэ. Бу туһунан Дойду Бэрэсидьиэнэ Владимир Владимирович Путин биһиги байыастарбыт хорсун быһыыларын, тулуурдаарын хаста да бэлиэтээбитэ.
«Патриот» киин былаһааккаларын, бырайыактарын көрдүбүт, оҕолору кытта кэпсэттибит уонна ыччаты патриотическай иитиигэ биһиги көмүскээччилэрбит оруолларын дьүүллэстибит. Виктор Андреевиһы кыах баарынан ыччат тэрээһиннэригэр элбэхтик ыалдьыт быһыытынан кыттарга ыҥырдым. Оҕолор маннык көрсүһүүлэргэ үөрүөхтэрэ диэн эрэнэбин.
Ыччат дьон биир дойдулаахтарын историятын билэн, кинилэр холобурдарынан төрөөбүт дойдуларыгар бэриниилээхтик сулууспалыырга, эппиэтинэстээх быһаарыылары ылынарга, доҕотторун өйүүргэ уонна хамаандаҕа үлэлииргэ үөрэнэр. Ол курдук эдэр дьон төрөөбүт сирдэригэр-уоттарыгар кыһамньылаах, билиилэринэн-көрүүлэринэн, үлэлэринэн-хамнастарынан Өрөспүүбүлүкэҕэ уонна бүтүн Арассыыйаҕа туһаны аҕаларга бэлэм буолуохтаахтар. Ону ситиһии биһиги болҕомтобут киинигэр.
https://max.ru/channel_PetrShamaev
11
4
2September 1, 2026 863 4
