People's Spring: post #111552 — TG.ME

People's Spring@PeopleSpring · 60.4K subscribers Open in TelegramOpen

t.me/PeopleSpring/111552

29

1

1

August 23, 2026 2.3K

More from this channel

(ဧရာဝတီတိုင်းက ရေကြည်မြို့နယ်မှာ ရေကြီးနစ်မြုပ်နေမှုကို ဒီကနေ့ ဩဂုတ် ၂၄ရက်က တွေ့ရစဉ်။ ဓာတ်ပုံ - CJ) 147Aug 24 ဧရာဝတီတိုင်း ရေဘေးသင့်ဒေသတွေမှာ ကူးစက်ရောဂါ စတင်ဖြစ်ပွားနေ ဩဂုတ်-၂၄၊၂၀၂၆။မိထက်/People's Spring ဧရာဝတီတိုင်းက ရေဘေးသင့်ဒေသတွေမှာ ဝမ်းရောဂါနဲ့ တခြားကူးစက်ရောဂါအချို့စတင်ဖြစ်ပွားနေပြီ ဘေးသင့်ပြည်သူတွေရဲ့ကျန်းမာရေးအတွက် စစ်ကောင်စီရဲ့ ဌာနဆိုင်ရာက လုံလောက်တဲ့ကျန်းမာရေးစောင့်ရှောက်မှုမပေးဘူးလို့ ဒေသခံတွေက ပြောပါတယ်။ " ငသိုင်းချောင်း၊ အိုင်သပြု၊ ရေကြည်၊ လေးမျက်နှာမြို့တွေကို လာကြည့်။ ရေထဲမှာတကယ်ဒုက္ခရောက်နေကြတာ။ ကူးစက်ရောဂါတွေလည်းဖြစ်နေတာ။ ဒါတွေအတွက် လုံလောက်တဲ့ ဆေးဝါးတွေမရှိဘူး။ အခြေအနေပိုဆိုးလာရင် မနိင်မနင်းဖြစ်မှာပါ"လို့ ကျန်းမာရေးဝန်ထမ်းတစ်ဦးက ပြောပါတယ်။ ဧရာဝတီတိုင်း လေးမျက်နှာမြို့မှာ ပြီးခဲ့တဲ့ ဇူလိုင် ၃၀ရက်က ငဝန်မြစ် ရေကာတာကျိုးကျခဲ့ပြီး လေးမျက်နှာမြို့နယ်အပြင် ဟင်္သာတ၊ ရေကြည်၊ ကျုံ ပျော်နဲ့ ငါးသိုင်းချောင်းမြို့နယ်တွေထဲကကျေးရွာတွေပါ ရေကြီးခဲ့ပါတယ်။ လက်ရှိမှာ လေးမျက်နှာမြို့နယ်အတွင်း ရေအနည်းငယ်ပြန်ကျနေပေမယ့် ရေကြည်နဲ့ ငါးသိုင်းချောင်းမြို့နယ်အတွင်း ရေတက်နေလို့ ယခင်က မကြုံဖူးတဲ့ရေဘေးမျိုးကိုကြုံတွေ့နေရတယ်လို့ မြို့ခံတွေကပြောပါတယ်။ ရေဘေးကြောင့် သေဆုံးတဲ့လူဦးရေစာရင်းကိုလည်း တိုင်းဝန်ကြီးချုပ်ဦးအေးကျော်အမိန့်နဲ့ ဌာနဆိုင်ရာတွေကသတင်းထိန်ချန်ထားတယ်လို့ ဝေဖန်မှုတွေရှိနေပါတယ်။ စစ်တပ်က ခန့်အပ်ထားတဲ့ ဧရာဝတီတိုင်းဝန်ကြီးချုပ် အေးကျော်ဟာ တိုင်းအတွင်း ကျန်းမာရေးဆိုင်ရာကဏ္ဍတွေမှာပါ ဝင်ရောက်စွက်ဖက်နေသလို အမှန်တကယ်လုပ်ဆောင်ရမယ့်ကျန်းမာရေးစောင့်ရှောက်မှုတွေကိုတော့ အကောင်အထည်ဖော်ပေးခြင်းမရှိဘူးလို့ဝေဖန်ခံ နေရပါတယ်။ လက်ရှိ ဧရာဝတီတိုင်းမှာ ရင်ဆိုင်နေရတဲ့ ရေဘေးကြောင့် နေအိမ်မြုပ်နေသူတွေဟာ အဝေးပြေးလမ်းမတွေပေါ်မှာ ယာယီတဲထိုးနေကြရပါတယ်။ ဒါ့အပြင် ပုသိမ်ဆေးရုံမှာ ကိုဗစ်(COVID -19)ကူးစက်ခံထားရတဲ့ လူနာ တွေ့ရှိထားပြီး ပြင်ပကို သတင်းမပေါက်ကြားဖို့ တိုင်းဝန်ကြိးချုပ်က အမိန့်ပေးထားတယ်လို့ ဆေးရုံနဲ့နီးစပ်တဲ့ဒေသခံတွေကပြောပါတယ်။ ပုသိမ်ဆေးရုံမှာ တက်ရောက်ကုသနေတဲ့ နာတာရှည်ဝေဒနာရှင် ၁ဦးကို စစ်ဆေးရာကနေ ကိုဗစ်ရောဂါပိုးကူးစက်တာ စတင်တွေရှိခဲ့ပြီး လက်ရှ်ိမှာ ကူးစက်ခံရသူ ၅ဦးထက်မနည်းကို သီးသန့် ဆောင်မှာ ထားတယ်လို့ မြို့ခံတစ်ဦးက ပြောပါတယ်။ " ခွဲစိတ်ရမယ့်လူနာကို စစ်ဆေးရင်းတွေ့တာ။ ကျန်းမာရေးဝန်ထမ်းတွေက ဌာနဆိုင်ရာလမ်းကြောင်းကနေတဆင့် အထက်ကို တင်ပြတော့ တိုင်းဝန်ကြီးချုပ်ဦးအေးကျော်က သတင်းကို ထိန်းထားဖို့ အမိန့်ပေးတယ်။ ဝန်ထမ်းတွေလည်း စိတ်ပျက်လက်ပျက်လုပ်နေကြရတာ။ ဒီရောဂါက သာမာန်တုပ် ကွေးရောဂါဖြစ်သွားပြီလေ။ လူထုက သတိရှိရှိနေရအောင် ထုတ်ပြန်ပေးရမှာမဟုတ်ဘူးလား။ "လို့ ၎င်းက ပြောပါတယ်။ ကိုဗစ်(COVID -19) ရောဂါဟာ လက်ရှိမှာ အရေးပေါ်အခြေအနေမဟုတ်တော့ပေမယ့် ရောဂါကူးစက်ခံခဲ့ရသူတွေဟာ ကိုယ်ခံအားနည်းခြင်း၊မကြာခဏဖျားနာခြင်းနဲ့ ကူးစက်ခံထားရသူကတစ်ဆင့် အခြားသူတွေကိုအလွယ်တကူးစက်မှုတွေဆက်လက်ဖြစ်ပေါ်နေတဲ့အတွက် လိုအပ်တဲ့ကျန်းမာရေးဆိုင်ရာသတိပေးချက်တွေကို ထုတ်ပြန်ပေးဖို့လိုတယ်လို့ မြို့ခံတွေကပြောပါတယ်။ ကမ္ဘာ့ကပ်ရောဂါဖြစ်တဲ့ကိုဗစ်ရောဂါကို မြန်မာနိုင်ငံမှာ ၂၀၂၀ မတ်လကပထမဆုံး ကူးစက်လူနာစတင်တွေရှိခဲ့ပါတယ်။အဲဒီကာလ အမျိုးသားဒီမိုကရေစီအဖွဲ့ချုပ်ပါတီအစိုးရလက်ထက်မှာ လူအသေ အပျောက်နည်းအောင် ရောဂါကို ထိန်းချုပ်နိုင်ပေမယ့် ၂၀၂၁ ဖေဖော်ဝါရီမှာ စစ်တပ်ကနိုင်ငံတော်အာဏာကိုသိမ်းယူပြီးတဲ့နောက်ပိုင်း ရောဂါကူးစက်မှုအခြေအနေ ဆိုးရွားခဲ့ပါတယ်။ ၂၀၂၁ ဇွန်လကစပြီး ကိုဗစ်တတိယလှိုင်းကို မြန်မာလူထု ဆိုးရွားစွာရင်ဆိုင်ခဲ့ရပြီး ‌အောက်ဆီဂျင်ပြတ်လပ်မှုကြောင့် လူထောင်ချီသေဆုံးခဲ့ပါတယ်။ အဲဒီအချိန်မှာ စစ်ကောင်စီက အောက်ဆီဂျင်ရရှိရေးဦးစားပေးမလုပ်ဆောင်ခဲ့ဘဲ သုသာန်ကို တိုးချဲ့ဆောက်လုပ်ဖို့ညွှန်ကြားခဲ့ဖူးပါတယ်။ လက်ရှိမှာတော့ ကိုဗစ်ရောဂါဟာ လူသေဆုံးစေတဲ့အထိမပြင်းထန်တော့သလို ရာသီတုပ်ကွေးအဆင့်သာ ရှိပါတော့တယ်။ ကမ္ဘာ့ကျန်းမာရေးအဖွဲ့ (WHO) ကလည်း အရေးပေါ် ကျန်းမာရေး အခြေအနေ (Global Health Emergency) မဟုတ်တော့ကြောင်း ကြေညာထားပါတယ်။ ဒါပေမယ့် မြို့နယ်အသီးသီးမှာ တုပ်ကွေးရောဂါကူးစက်ခံရသူတွေ ယခင်ကထက်များတယ်လို့ ကျန်းမာရေးဝန်ထမ်းတွေကပြောပါတယ်။ 144Aug 24

ဓာတ်ပုံ - ထားဝယ်ခရိုင်၊အမှတ်-၈၀၀၃-တပ်ရင်း 653Aug 24 ထားဝယ်ခရိုင် အမှတ်(၈၀၀၃)တပ်ရင်း စစ်သင်တန်းဆင်းပွဲကျင်းပ၊ ပြည်သူကို အသက်နဲ့ရင်းကာကွက်တက်ဖို့လိုဟု ထုတ်ပြန် ဩဂုတ် ၂၄၊ ၂၀၂၆။ ထားမြတ်/People’s Spring တနင်္သာရီတိုင်းစစ်ဌာန နည်းဗျူဟာ(၃၃) ကွပ်ကဲမှု့အောက်ရှိ ထားဝယ်ခရိုင်အမှတ်(၈၀၀၃)တပ်ရင်း ရဲ့ ပထမအကြိမ် စစ်ပညာခြေခံသင်တန်းပြီးဆုံးကြောင်း မှတ်တမ်းရုပ်သံနဲ့ မှတ်တမ်းဓာတ်ပုံတွေကို အဆိုပါတပ်ရင်းက ထုတ်ပြန်ပါတယ်။ သင်တန်းဆင်းပွဲ အခမ်းအနားကို ဩဂုတ် ပထမပတ်က ကျင်းပခဲ့တာဖြစ်ပြီး သင်တန်းဆင်းပွဲ ဓာတ်ပုံနဲ့ ရုပ်သံကို အခုမှ ဖော်ပြလာတာပါ။ " စစ်သားတစ်ယောက်ခံယူတက်ဖို့၊ အမိန့်နာခံတက်ဖို့၊ ရှေ့တန်းစစ်မြေပြင်မှာ ရန်သူကိုယ် လက်ဦးမှု့ရယူတက်ဖို့၊ ပြည်သူကို အသက်နဲ့ရင်းပြီးကာကွယ်တက်ဖို့၊ ပြည်သူကို ပြည်သူလို့မြင်တက်ဖို့” ကျင်းပတဲ့ သင်တန်းပြုလုပ်တာလို့ ထားဝယ်ခရိုင် အမျတ်(၈၀၀၃) တပ်ရင်းက ထုတ်ပြန်ပါတယ်။ သင်တန်းဆင်းရဲဘော်တွေကို တော်လှန်ရေးအမြင်၊ နိုင်ငံရေးအမြင် နှစ်ခုစလုံး ပူးတွဲလုပ်ဆောင်နိုင်ရန် ထားဝယ်ခရိုင် အမှတ်(၈၀၀၃) တပ်ရင်းမှူးက သင်ကြားပေးခဲ့ကြောင်းလည်း အသိပေးထားပါတယ်။ နိုင်ငံကို ချစ်တဲ့ စိတ် ပြည်သူကို ချစ်တဲ့စိတ် စစ်သင်တန်းဆင်း ရဲဘော်များအတွက် နိုင်ငံရေး အသိစိတ် ထပ်မံ သင်ကြားခဲ့တာလို့ ဆိုပါတယ်။ ထားဝယ်ခရိုင် အမှတ်(၈၀၀၃) တပ်ရင်းဟာ တနင်္သာရီတိုင်း လောင်းလုံမြို့နယ်အတွင်း စစ်ရေးလှုပ်ရှားနေတဲ့ တပ်ဖြစ်ပြီး မဟာမိတ်တွေနဲ့အတူ ပူးပေါင်းကာ စစ်ဆင်ရေးတွေ ဖော်ဆောင်ခဲ့ပါတယ်။ မေလနဲ့ ဇွန်လအတွင်းက လောင်းလုံမြို့နယ်အတွင်း စစ်ကြောင်းထိုးလာတဲ့ စစ်ကောင်စီတပ်ကို တော်လှန်ရေးပူးပေါင်းတပ်တွေနဲ့အတူ တိုက်ခိုက်ခဲ့ပါတယ်။ 645Aug 24

(မုံရွာနမခကနေ စစ်ကိုင်းတပ်မ (၃၃)သို့ ကူးသန်းနေသော စစ်ကောင်စီယာဥ်အချို့အား တွေ့ရစဥ် ဓါတ်ပုံံ-Myo Gyi) 881Aug 24