لە چوارچێوەی وەردەوامبۊن ئۆپەراسیۆن «گۆشەگیرکردن ئابووری»، وەزارەت خەزێنەداری ئەمریکا ۳٦ دامەزراوە و کۆمپانیای فڕۆکەوانی سەر وە ڕژیم ئێران خستە ناو لیست گەمارۆگانەو تا شادەمارەگان جیوازکردن چەک و هێزی سەربازی بووڕێد.
نۊسینگەی ئۆفاک ئاشکرا کرد ک ۲۷ کۆمپانیای ئاسمانی لێوای «کیش ئەیر، قێشم ئەیر، زاگرۆس، ئاسمان، وارش و تابان» خریانەسە ژێر گەمارۆی ڕاسەوڕاس، چۊنکە لە ڕێگەی کۆمپانیا ساختەیلەو ئەڕا دەسڕەسی وە تێکنۆلۆژی هەستیار و سەندن نایاسایی فڕۆکە وەکار هاتۊن.
هاووەخت واشنگتۆن مۆڵەت فڕین فڕۆکە بازرگانییەگان لە ئاسمان ئێران وسان و چەن کۆمپانیای ترەک لە ئیمارات، تورکیە، مالزی و بریتانیا وە مدوو هاوکاری وەگەرد «ماهان ئەیر» سزا دا.
لە لایێگ ترەک، سکات بێسێنت، وەزیر خەزێنەداری ئەمریکا هۆشداری دا ک ئی هەنگاوە دەسوەپێکردن زەبرێگ قورسە و هەر کۆمپانیایێگ مامەڵە وەگەرد کڕە ئاسمانییەگان تاران بکەێد، ڕاسەوڕاس تۊش بڕیان پەیوەندی وەگەرد سیستەم دارایی جەهانی بوودەو.
@PDKI_Media
