لە چەن شار کوردستان لێوای ئیلام، کرماشان و سنە، چین و تۊژە جیاوازەگان کۆمەڵگە دژ وە گرانی، نادادپەروەری، داڕمان گوزەران و نەوین خزمەتگوزاری دەسیان داسە ناڕەزایەتی و مانگرتن.
لە ئیلام، کارگەرەیل کارخانەی «پوویا نەخ» لە بەرانبەر پارێزگاری، ناڕەزایەتی خوەیان لەسەر دۊیاکەفتن مۊچە، دەرکردن بیپاساو ۱۵۰ کارگەر و بەسیان کارخانەگە نیشان دان.
هاووەخت سەدان پەرستار و کادر دەرمانی لە سنە، وە مدوو قەیران بژێوی و نەیان حقوق، لە بەرانبەر پارێزگاری گردەو بۊن و دروشم دان ک "بەڵێن بەسە، سفرەمان خاڵییە".
هەرئیجوورە لە کرماشان و ئیلام، خانەنشینکریاگان ئەڕا چەنەمین ڕووژ دژ وە کەمبۊن مۊچە و پشتگووشخستن داواکارییەکانیان گردبۊنەو و خوازیار کووتاییهاوردن وە شەڕەنگێزی ڕژیم و هەڵوەشاننەوەی سزای لەسێدارەدان بۊن.
ئی ناڕەزایەتییەیلە لە حاڵێگ درێژە دێرێد ک ڕژیم کۆمار ئسلامی دارایی وڵات لە جیاتی چارەسەرکردن گرفتەیل مەردم، ئەڕا پەرەدان هەوڵەیل تێرۆریستی و پشتگیری لە گرووپە نیابەتییەگان خەرج کەێد و هەژاری سەختێگ خستەیەسە سەر خەڵک.
PDKI_Media
