لە درێژەی ناڕەزایەتییەگان چین و تۊژەیل ئێران و کوردستان، خانەنشینەیل، پەرستارەیل و کاسبکارەیل لە ڕووژەیل وەیەردە وە مدوو قەیران ئابووری، گرانی و دۊیاکەفتن هەقدەس، دەس دانەسە مانگردن و گردەوبۊنەوەی ناڕەزایەتی.
ئەمڕوو یەکشەممە ١٥ نوخشان، خانەنشینەیل شار کرماشان لە وەرانوەر بینای دابینکردن کۆمەڵایەتی کۆ بۊنەو و وتن: بەرپرسەیل کەمترین هەست وە بەرپرسیارەتی نەیڕن و تەنیا بەڵێنی پووچ دەن.
هاووەخت لە ڕەشت، کارگەرەیل ناڕازی ئێعلام کردن کڕ هەژاری ڕەسییەسە ٩٠ میلیۆن تمەن، لە وەختێگ مۊچەی هۊچ کارگەر، ئامووژیار و خانەنشینێگ نیەڕەسێدە ئی ئاستە.
هەرئیجوورە کارگەرەیل ئەرکان سالس و پەیمانکاری نەفت و گاز لە نامەێگ ئڕا سازمان بەرنامە و بودجەی جەخت کردن چەرخ پیشەسازی وە دەس کارگەرەیل چەرخێد نەک وە لۆبیگەری و وە دەس بەڕێوەبەرەیل مۊچە خەیاڵییەگان.
خانەنشینەیل فەرهەنگیش ئێعلام کردن دۊیای پەنج ساڵ چاوەڕوانی، تا سەندن مافەگانیان دەس لە ناڕەزایەتی هەڵنیەگرن.
کۆمار ئسلامی لە وەختێگ سەدان میلیارد دۆلار لە دارایی خەڵک ئەڕا گرووە تێرۆریستییەگان ناوچەگە کل کەێد ک زوورم خەڵک ئێران لەژێر کڕ هەژارین.
PDKI_Media
