1. لما تلاقوا بالصيدلية يونادول سينوس، هاد دوا مخصوص للجيوب الأنفية… — بطاقات الملازمة الصيدلانية الشاملة 🥇💡✨ — TG.ME

Forwarded fromبطبطاقات الملازمة الصيدلانية الشاملة 🥇💡✨

1. لما تلاقوا بالصيدلية يونادول سينوس، هاد دوا مخصوص للجيوب الأنفية وأعراض الكريب، وبتشوفوا علبتو باللون الأزرق وعليها Unadol SINUS. 2. تركيبتو فيها شغلتين أساسيات: أول شي باراسيتامول بتركيز 500 ملغ مشان تخفيف الأوجاع والصداع والحرارة اللي بتصاحب التهاب الجيوب والكريب، وتاني شغلة مهمة فيه هي فينيل ايفرين بتركيز 5 ملغ اللي بيساعد على تخفيف احتقان الأنف وتفتيح المجاري التنفسية. 3. هاد الدوا بينوصف بشكل خاص لتخفيف أعراض الكريب، يعني بخفف من الصداع، احتقان الأنف، والأوجاع اللي بتيجي مع هالنوع من الأمراض. 4. بالنسبة للجرعة الموصى فيها للأطفال اللي فوق عمر الـ 12 سنة وللكبار (البالغين)، بيتاخد حبة أو حبتين، وبتتكرر هالجرعة كل 4 لـ 6 ساعات. 5. تصنيف هاد الدوا للحوامل هو Category C، وهاد يعني إنو لازم يكون في حذر كتير كبير لما تاخدو الدوا خلال فترة الحمل، وما بينصحوا باستعمالو إلا إذا كانت الفوائد المتوقعة منو أهم بكتير من أي خطر محتمل على الجنين، ودايماً لازم يكون تحت إشراف الدكتور.