چنت امشي بطريق مو سهل طالب جامعة يحمل بيده كتب وبگلبه همّ أكبر من عمره
الدراسة ما كانت مجرد امتحانات كانت صراع ويا التعب ويا الخوف من الفشل ويا مسؤولية أكبر من طالب عادي
وبنفس الوقت
أمي روحي الثانية كانت تمر بأصعب امتحان بالحياة مرض، ألم، علاج، أمل، تعب،
وأنا واكف يمها مو لأني مجبور بل لأن گلبي اختار يكون هناك شفت أمي بين الحياة والموت وصلت وياها لحافة الموت السريري ودعيت، وبكيت، وسكت، وتحملت چنت قوي من برّه ومكسور من جوّه لكن ما تراجعت .
وبعدها
صار اللي ما چنت مستعد إله
راحت وبقيت أنا واكف بنص الفراغ
الامتحان الأصعب الفقد مو فقد شخص فقد أم فقد الدعاء فقد الحضن
فقد الصوت اللي يناديك باسمك
بعدها ما وقفت الدنيا لكنني توقفت قليلاً
تعلمت اعيش ويا الوجع مو لأني نسيته
بل لأني صرت أقوى من أن يكسرّني رجعت للدراسة رجعت للحياة وأنا شايل ذكرى أمي وياي بكل خطوة نجاحاتي صارت تنهدي إلها وتعبي صار وفاء إلها
وإن الأم ما تروح بل تتحول نور يمشي وياك .
سألت فكّرت راجعت إيماني
ما أخذت الدين بوراثة أخذته بفهم وبحب محمد وآل محمد وبوعي إن الحق مو بس يُعرف الحق يُعاش.
اللهم إنك تعلم تعلم تعبي
وتعلم خوفي اللهم ارحم والدتي
رحمة تطمّن قلبي قبل ما تطمّن قبرها
واجعل نورك يسبقها وسلامك يلفّها.
اللهم إن كنت قصّرت فاغفر لي
وإن كنت صبرت فثبّتني
وإن كنت ضعفت فقوّني
واجعلني من الذين عرفوا الحق، وعملوا به وصبروا عليه واجعل لي لقاءً لا وداع بعده
ولا فراق فيه
بحق محمد وآل محمد .
51 يوماً من فقدان الست الوالدة
36
10
10
1
1January 15, 2026 1.6K 5
