Tapha Arsenaalii fi Astan Viilaa irraa maal hubanna? 
Arsenaal haala gaarii irra guutummaatti yoo hin jiranne illee, qabxii barbaade argachuuf sochii gahaa agarsiiseera. Kunis gareen Miikeel Arteettaa yeroo hunda taphni isaa gaarii yoo hin taane, yeroo rakkisaa keessattis injifannoo argachuu akka danda’u mul’iseera.Arsenaal waancaa Piriimiyer Liigii irratti kaayyoo guddaa qabaachuu isaa jalqaba bara dorgommii kana irraa eegalee agarsiisaa jira. Gareen kun taphoota liigii lamaan jalqabaa galchiii tokko illee osoo irratti hin lakkaa'amin injifachuun jalqaba bara dorgommii isaa haalaan gaarii taasiseera.Kana malees, Arsenaal waggoota shanan darban keessatti yeroo jalqabaaf taphoota liigii lamaan jalqabaa walitti aansuun injifateera. Akkasumas, Bitootessa darbee irraa eegalee taphoota Piriimiyer Liigii saddeet keessatti galchiin osoo itti hin galin xumuruun cimina ittisaa isaa mul’iseera.Wanti guddaan tapha kana irraa hubatamu garuu Arsenaal yeroo gaarii irra yoo hin jirre illee injifachuu danda’uu isaa dha. Injifannoon garaagarummaa galchii xiqqaan argame kun, gareewwan Piriimiyer Liigii biroof ergaa guddaa dabarseera. Waancaa argachuuf yeroo tokko tokko tapha bareedaa caalaa qabxii argachuun murteessaa dha.Gama biraatiin, Astan Viilaan taphicha keessatti guutummaatti laafaa hin turre. Gareen Unayi Emeree sochii gaarii agarsiiseera,garuu carraa uumame gara galchiitti jijjiiruu irratti rakkoo qaba ture. Keessumaa, galchii Arsenaal irratti yaaliiwwan kallattii eegatan uumuu hin dandeenye.Astan Viilaan taphattoota isaa murteessoo tokko tokko dhabee tapha kanatti seene. Ta’us, injifannoo dhabuu isaa keessatti wantoonni abdachiisoon tokko tokko mul’ataniiru. Gareen kun yoo dogoggora isaa sirreesse, taphoota itti aanan keessatti qabxii fooyya’aa fiduu danda’a.Garuu jalqabni bara dorgommii kana Aston Viilaaf salphaa hin taane. Waggoota jaha booda yeroo jalqabaaf taphoota liigii isaa lamaan jalqabaa walitti aansuun kan injifatame ta’eera.Akkasumas, Astan Viilaan bara darbe liigii keessatti sadarkaa shan keessatti xumure, bara kana taphoota liigii lamaan jalqabaa kan injifatame ta’uun, seenaa Piriimiyer Liigii keessatti kun gareewwan muraasa qofa mudate.Kana dura Maanchistar Yunaayitid, Arsenaal fi Kiyuu Pii Aar haala walfakkaataa keessa darbaniiru.𝐒𝐇𝐀𝐑𝐄
|| @ODAAISPOORTII𝐒𝐇𝐀𝐑𝐄
|| @ODAAISPOORTII
