لاتلوميني ليا ارسلت ادور لي مجال
ولا تقولين الخطا بين الخافي كثير
انا ما اعرف غير انك السحر الحلال
اللي لو أجيه داواني بقدرة قدير
ولا رجيت إلا بممكن وقلتي لي محال
وصار قربك عسر و انا اعشق الشي العسير !
وان بغيتي تقطعين اخر حبال الوصال
ترا كنك تاخذين العصاء من الضرير
الحياه اصعب من الذل فعيون الرجال
وان تماكنتك تماكنتها وانا صغير
احتويني لايهمك خطا ولا عدال
الخطا لاصار ماهوب قصد يصير غير
ابا احس بحضن محبوب عن برد الليال
لو احس انك جهنم بعد يا زمهرير
وابا اطير من الفرح زال روحي لا تزال
انتصف عمري وانا اراقب الفرحه تطير
ادري انك حلم والحلم يمكن مايطال
لكن انا راضي ٍ فيه جعله مايصير
اتركيني بين الاحلام انا احب الخيال
الخيال احلا من الواقع الواقع مرير
همّي اللي ما اقفيت ناداني تعال
والله ليقعد ينادي ليا اليوم الكبير
هارب من أغلال صوته واطارد لي غزال
ورافعٍ صوت ابو نوره محمد للأخييير
متعمقٍ في حكايه هواء مدري هبال
ماطرت حتى على بال ويليام شكسبير
عايشٍ على أمنيه لاتصير ولا تقال
بس ميت عشق ميت حزن ميت ضمير
جيت اقاتل وانتقلت او ايام القتال
دايم اول ثوره تثور بالراس الكبير
- فهد قطنان
1
1
1
1August 27, 2026 119
