🗓 २४ ऑगस्ट २०२६ : चालू घडामोडी वनलायनर प्रश्नोत्तरे ✍️✍️ प्रश्न १… — ✍ नोट्स Katta 📑

२४ ऑगस्ट २०२६ : चालू घडामोडी
वनलायनर प्रश्नोत्तरे

प्रश्न १: दास व्यापार आणि त्याचे निर्मूलन यासाठी आंतरराष्ट्रीय दिवस (International Day for the Remembrance of the Slave Trade and its Abolition) कधी साजरा केला गेला?
➠ २३ ऑगस्ट

स्पष्टीकरण: दास व्यापाराची भीषणता आणि त्याच्या निर्मूलनाच्या स्मरणार्थ दरवर्षी २३ ऑगस्ट रोजी हा दिवस साजरा केला जातो.

प्रश्न २: भारतीय लष्कराने (Indian Army) अत्याधुनिक ड्रोन्सची पहिली 'बाज बटालियन' (Baaz Battalion) कोठे स्थापन केली आहे?
➠ पंजाब

स्पष्टीकरण: सीमाभागात हवाई देखरेख, जलद प्रतिसाद आणि युद्धभूमीवरील क्षमता वाढवण्यासाठी भारतीय लष्कराने पंजाबमध्ये अत्याधुनिक ड्रोन्सची पहिली 'बाज बटालियन' स्थापन केली आहे.

प्रश्न ३: सर्वोच्च न्यायालयाने देशभरातील विद्यार्थी आंदोलनादरम्यान झालेल्या हिंसाचाराच्या चौकशीसाठी कोणाच्या नेतृत्वाखाली समिती स्थापन केली आहे?
➠ आर. सुभाष रेड्डी

स्पष्टीकरण: सर्वोच्च न्यायालयाने विद्यार्थी आंदोलनादरम्यान उसळलेल्या हिंसाचाराच्या सखोल चौकशीसाठी माजी न्यायमूर्ती आर. सुभाष रेड्डी यांच्या अध्यक्षतेखाली चौकशी समिती गठीत केली आहे.

प्रश्न ४: इयत्ता सहावीपासून विद्यार्थ्यांना आर्टिफिशियल इंटेलिजन्सचे (AI) शिक्षण देण्याची घोषणा कोणत्या राज्य सरकारने केली आहे?
➠ कर्नाटक

स्पष्टीकरण: कर्नाटक सरकारने शालेय अभ्यासक्रमात इयत्ता ६ वी पासून सर्व विद्यार्थ्यांना AI चे प्राथमिक व आधुनिक शिक्षण देण्याचा निर्णय घेतला आहे.
कर्नाटक संदर्भातील महत्त्वाचे मुद्दे:
* राजधानी: बंगळुरू | मुख्यमंत्री: सिद्धरामय्या / उपमुख्यमंत्री: डी. के. शिवकुमार | राज्यपाल: थावरचंद गेहलोत.
* कॉफी आणि नारळ उत्पादनात कर्नाटक देशात प्रथम क्रमांकावर आहे (मका उत्पादनात मध्य प्रदेशनंतर कर्नाटक दुसऱ्या स्थानावर आहे).
* प्रमुख राष्ट्रीय उद्याने: बांदीपूर, अंशी, नागरहोल, बन्नेरघट्टा आणि कुद्रेमुख.
* प्रमुख धरणे: अलमट्टी धरण (कृष्णा नदी), कृष्णराज सागर धरण (कावेरी नदी).
* प्रमुख लोकनृत्य: यक्षगान आणि डोलू कुनिथा.
* सार्वजनिक डेटा सुलभतेने शोधण्यासाठी कर्नाटकने 'तथ्यकोष' पोर्टल सुरू केले आहे.

प्रश्न ५: भारताचा पहिला मृदा पोत नकाशा (Soil Texture Map) कोणत्या शहरात विकसित करण्यात आला आहे?
➠ नागपूर

स्पष्टीकरण: जमिनीची रचना, सुपीकता आणि पोत यांचे अचूक विश्लेषण करण्यासाठी देशातील पहिला उच्च-रिझोल्यूशन मृदा पोत नकाशा (Soil Texture Map) नागपूर येथे विकसित करण्यात आला आहे.

प्रश्न ६: अंतराळात स्पेस वॉक करणारी सोफी एडिनॉट (Sophie Adenot) ही कोणत्या देशाची पहिली महिला ठरली आहे?
➠ फ्रान्स

स्पष्टीकरण: सोफी एडिनॉट या अंतराळात स्पेसवॉक करणाऱ्या फ्रान्सच्या पहिल्या महिला अंतराळवीर ठरल्या आहेत.
फ्रान्स संदर्भातील महत्त्वाचे मुद्दे:
* राजधानी: पॅरिस | चलन: युरो | राष्ट्राध्यक्ष: इमॅन्युएल मॅक्रॉन.
* भारत आणि फ्रान्स दरम्यानचे संयुक्त सराव: शक्ती (भूदल), गरुड (हवाई दल), वरुण (नौदल).
* फ्रान्सने १५ वर्षांखालील मुलांसाठी सोशल मीडिया बंदी विधेयक पारित केले आहे.

प्रश्न ७: सलग दुसऱ्यांदा अंडर-२० (U-20) जागतिक कुस्ती अजिंक्यपद स्पर्धा (World Wrestling Championship) कोणी जिंकली आहे?
➠ काजल धोचक

स्पष्टीकरण: भारतीय महिला कुस्तीपटू काजल धोचक हिने सलग दुसऱ्यांदा अंडर-२० जागतिक कुस्ती अजिंक्यपद स्पर्धेत सुवर्णपदक पटकावून इतिहास रचला आहे.

प्रश्न ८: 'ॲनालॉग पनीर'च्या (Analog Paneer) विक्रीवर बंदी घालणारे देशातील पाचवे राज्य कोणते ठरले आहे?
➠ हिमाचल प्रदेश

स्पष्टीकरण: ॲनालॉग पनीर हे दुधाऐवजी पाम ऑइल आणि कृत्रिम घटकांपासून तयार केले जाते. नागरिकांच्या आरोग्यासाठी याच्या विक्रीवर बंदी घालणारे हिमाचल प्रदेश हे देशातील ५ वे राज्य बनले आहे.

प्रश्न ९: नुकतीच चर्चेत आलेली 'बिलाँगिंग: अ जर्नी ऑफ लव्ह' (Belonging: A Journey of Love) हे पुस्तक कोणाचे आत्मचरित्र आहे?
➠ सोनिया गांधी

स्पष्टीकरण: 'Belonging: A Journey of Love' हे सोनिया गांधी यांचे आत्मचरित्र असून त्याचे प्रकाशन 'अल्फ्रेड ए. क्नॉफ' यांनी केले आहे.
इतर महत्त्वाची पुस्तके:
* ट्रायम्फ ऑफ इंडियन रिपब्लिक (Triumph of Indian Republic): माजी राष्ट्रपती रामनाथ कोविंद यांचे आत्मचरित्र.
* ब्रिंगिंग द चिता बॅक टू इंडिया (Bringing the Cheetah Back to India): प्रशांत अग्रवाल.
* द ईव्ही इव्होल्यूशन (The EV Evolution): अनिल शशी.

प्रश्न १०: ग्लोबल चेस लीगच्या (Global Chess League) चौथ्या आवृत्तीचे आयोजन कोणते शहर करणार आहे?
➠ बंगळुरू

स्पष्टीकरण: जगातील नामांकित खेळाडूंचा सहभाग असणाऱ्या 'ग्लोबल चेस लीग'च्या (GCL) चौथ्या पर्वाचे यजमानपद बंगळुरू शहराला मिळाले आहे.

प्रश्न ११: ७२ व्या नेहरू ट्रॉफी नौका शर्यतीचे (Nehru Trophy Boat Race) आयोजन कोठे करण्यात आले?
➠ अलाप्पुळा (केरळ)

स्पष्टीकरण: केरळमधील प्रसिद्ध ७२ वी 'नेहरू ट्रॉफी बोट रेस' अलाप्पुळा येथील पुन्नमदा तलावावर आयोजित करण्यात आली.

प्रश्न १२: कसोटी क्रिकेटच्या (Test Cricket) इतिहासात क्षेत्ररक्षक म्हणून (यष्टीरक्षक वगळून) सर्वाधिक झेल (कॅचेस) घेण्याचा विश्वविक्रम कोणी नोंदवला आहे?
➠ जो रूट

स्पष्टीकरण: इंग्लंडचा अनुभवी फलंदाज जो रूट याने कसोटी क्रिकेटच्या इतिहासात क्षेत्ररक्षक म्हणून (यष्टीरक्षक वगळून) सर्वाधिक झेल टिपण्याचा नवा जागतिक विक्रम (२१९ झेल) आपल्या नावावर केला आहे. ऑस्ट्रेलियाच्या स्टीव्हन स्मिथ चा २१८ झेल चा विक्रम मागे टाकला .
यष्टिरक्षकांचा समावेश केल्यास कसोटी इतिहासात सर्वाधिक झेल घेण्याचा विक्रम दक्षिण आफ्रिकेच्या मार्क बाउचर (मार्क बाउचर - ५३२ झेल) यांच्या नावावर आहे.)

संकलन: सागर चिखले