🗓 २२ ऑगस्ट २०२६ : चालू घडामोडी वनलायनर प्रश्नोत्तरे ✍️✍️ प्रश्न १… — ✍ नोट्स Katta 📑

२२ ऑगस्ट २०२६ : चालू घडामोडी
वनलायनर प्रश्नोत्तरे

प्रश्न १: कोणत्या राज्य सरकारने ५०० एकर परिसरात 'जपान सिटी' (Japan City) विकसित करण्याची घोषणा केली आहे?
➠ उत्तर प्रदेश

स्पष्टीकरण:
- उत्तर प्रदेश सरकारने यमुना एक्सप्रेसवे इंडस्ट्रियल डेव्हलपमेंट अथॉरिटी (YEIDA) अंतर्गत ५०० एकरांवर जपानी कंपन्या आणि कर्मचाऱ्यांसाठी औद्योगिक व निवासी सुविधा असलेली 'जपान सिटी' विकसित करण्याचा निर्णय घेतला आहे.
🎯 उत्तर प्रदेशबद्दल महत्त्वाची माहिती:
* राजधानी: लखनौ (गोमती नदीकाठी वसलेले).
* हैदराबाद नंतर युनेस्कोच्या 'क्रिएटिव्ह सिटी ऑफ गॅस्ट्रोनॉमी' मध्ये समाविष्ट झालेले लखनौ हे दुसरे भारतीय शहर आहे.
* उत्तर प्रदेश सरकारने भटक्या प्राण्यांपासून पिकांचे रक्षण करण्यासाठी 'मुख्यमंत्री शेत सुरक्षा योजना' सुरू केली आहे.
* कुकरैल राखीव जंगलात देशातील पहिल्या नाईट सफारीला मंजुरी देण्यात आली आहे.

--------------------------------------------------

प्रश्न २: तिसऱ्या अपत्याच्या जन्मावर कोणत्या राज्य सरकारने १ वर्षाची (३६५ दिवस) प्रसूती रजा (Maternity Leave) देण्याची घोषणा केली आहे?
➠ तमिळनाडू

स्पष्टीकरण:
- तमिळनाडू सरकारने तिसऱ्या अपत्याच्या जन्मावर मातांना संपूर्ण ३६५ दिवसांची प्रसूती रजा मंजूर केली आहे.
तमिळनाडूबद्दल महत्त्वाची माहिती:
* कामराजार बंदर: १८ मीटर ड्राफ्ट क्षमता असलेले भारतातील दुसरे प्रमुख बंदर बनले आहे (पहिले: विशाखापट्टणम बंदर).
* तमिळनाडूने शैक्षणिक व शासकीय कार्यक्रमांची सुरुवात राज्यगीताने ('तमिळ थाई वाझ्थू') करणे बंधनकारक केले आहे.
* राष्ट्रीय उद्याने: मुकुर्ती राष्ट्रीय उद्यान, मुदुमलाई राष्ट्रीय उद्यान, इंदिरा गांधी राष्ट्रीय उद्यान, गिंडी राष्ट्रीय उद्यान आणि मन्नारचे आखात सागरी राष्ट्रीय उद्यान.

--------------------------------------------------

प्रश्न ३: नुकतीच सुप्रीम कोर्ट बार असोसिएशनच्या (SCBA) अध्यक्षपदी कोणाची निवड झाली आहे?
➠ प्रदीप राय

स्पष्टीकरण:
- वरिष्ठ विधिज्ञ प्रदीप राय यांची सुप्रीम कोर्ट बार असोसिएशनच्या अध्यक्षपदी निवड झाली आहे.
इतर महत्त्वाच्या नियुक्त्या:
* दूरदर्शनच्या महासंचालक (DG): रीना सोनोवाल कोली
* उच्च शिक्षण विभागाच्या सचिव: दीप्ती गौर मुखर्जी
* सशस्त्र सेना वैद्यकीय सेवेचे (AFMS) महासंचालक: संदीप थरेजा
* इस्वातिनीमधील भारताचे उच्चायुक्त: आनंद प्रकाश
* फायटर कॉम्बॅट लीडर कोर्स पूर्ण करणारी पहिली महिला लढाऊ वैमानिक: भावना कंठ

--------------------------------------------------

प्रश्न ४: कोणत्या राज्यातील 'बेतरदाढी' गावात सुमारे ३.५ अब्ज वर्षे जुने जीवनाचे पुरावे आढळले आहेत?
➠ झारखंड

स्पष्टीकरण:
- झारखंडमधील बेतरदाढी गावात शास्त्रज्ञांना सुमारे ३.५ अब्ज वर्षे जुने प्राचीन जीवाश्म आणि जीवनाचे पुरावे सापडले आहेत.
झारखंडबद्दल महत्त्वाची माहिती:
* राजधानी: रांची | मुख्यमंत्री: हेमंत सोरेन | राज्यपाल: संतोष गंगवार.
* झारखंडच्या 'जादू पटिया' (Jadopatiya) चित्रकलेला भौगोलिक मानांकन (GI Tag) मिळाले आहे.
* भारतातील पहिले मोती संवर्धन क्लस्टर (Pearl Farming Cluster) हजारीबाग येथे सुरू झाले.
* माओवाद्यांविरोधात झारखंडमध्ये 'ऑपरेशन मेगा बुरू' राबवण्यात आले.

--------------------------------------------------

प्रश्न ५: ६५ वी सुब्रतो कप आंतरराष्ट्रीय फुटबॉल स्पर्धा कुठे सुरू झाली आहे?
➠ नवी दिल्ली

स्पष्टीकरण:
- सुब्रतो कप ही भारतातील प्रतिष्ठित आंतरशालेय फुटबॉल स्पर्धा असून, यंदाची ६५ वी स्पर्धा देशाची राजधानी नवी दिल्ली येथे आयोजित केली जात आहे.

--------------------------------------------------

प्रश्न ६: ग्लोबल चेस लीगच्या (Global Chess League) चौथ्या हंगामाचे यजमानपद कोणते शहर भूषवणार आहे?
➠ बंगळुरू

स्पष्टीकरण:
- जागतिक बुद्धिबळ लीगच्या (GCL) चौथ्या पर्वाचे आयोजन कर्नाटकची राजधानी बंगळुरू येथे केले जाणार आहे.

--------------------------------------------------

प्रश्न ७: नुकतेच प्रणव पटनायक यांचे वयाच्या ८८ व्या वर्षी निधन झाले, ते खालीलपैकी कोण होते?
➠ गायक

स्पष्टीकरण:
- प्रणव पटनायक हे ओडिया भाषेतील प्रख्यात आणि ज्येष्ठ पार्श्वगायक (Playback Singer) होते. वयाच्या ८८ व्या वर्षी त्यांचे निधन झाले.

--------------------------------------------------

प्रश्न ८: नुकतेच अंमली पदार्थांच्या (Drugs) तस्करीविरोधात 'ऑपरेशन तुफान' कोणत्या राज्याने सुरू केले आहे?
➠ केरळ

स्पष्टीकरण:
- ड्रग्जचे नेटवर्क नष्ट करण्यासाठी आणि अंमली पदार्थांच्या तस्करांवर कडक कारवाई करण्यासाठी केरळ पोलिसांनी 'ऑपरेशन तुफान' सुरू केले आहे.
केरळबद्दल महत्त्वाची माहिती:
* भारतातील पहिले २४/७ ओपन कोर्ट केरळच्या कोल्लम येथे सुरू झाले.
* महिलांसाठी 'प्रियदर्शिनी मोफत बस प्रवास योजना' केरळमध्ये सुरू करण्यात आली.
* प्रमुख राष्ट्रीय उद्याने: अनाइमुडी शोला, मथिकेत्तन शोला, पांपदुम शोला, सायलेंट व्हॅली, एरावीकुलम आणि पेरियार राष्ट्रीय उद्यान.
* प्रमुख सण: ओणम, थेय्यम, त्रिशूर पूरम.

--------------------------------------------------

प्रश्न ९: नुकत्याच पार पडलेल्या चौथ्या भारत-सिंगापूर मंत्रीस्तरीय गोलमेज परिषदेत भारतीय शिष्टमंडळाचे नेतृत्व कोणी केले?
➠ निर्मला सीतारामन

स्पष्टीकरण:
- केंद्रीय वित्तमंत्री निर्मला सीतारामन यांनी भारत आणि सिंगापूर यांच्यातील चौथ्या मंत्रीस्तरीय गोलमेज बैठकीत भारतीय प्रतिनिधींचे नेतृत्व केले. या बैठकीत द्विपक्षीय आर्थिक व व्यापार सहकार्यावर चर्चा झाली.

--------------------------------------------------

प्रश्न १०: स्वच्छ ऊर्जा संशोधनासाठी (Clean Energy Research) टाटा पॉवरने (Tata Power) कोणत्या आयआयटी (IIT) सोबत भागीदारी केली आहे?
➠ IIT मुंबई (IIT Bombay)

स्पष्टीकरण:
- टाटा पॉवरने स्वच्छ आणि शाश्वत ऊर्जा तंत्रज्ञानाच्या संशोधनासाठी IIT मुंबईसोबत सामंजस्य करार केला आहे.
IIT संदर्भातील चालू घडामोडी:
* IIT दिल्ली: एआय सुपर कॉम्प्युटर 'परम प्रज्ञा' लाँच करण्यात आला.
* IIT हैदराबाद: अणुऊर्जा तंत्रज्ञान अभिमुखता कार्यक्रम 'अनुज्ञान' सुरू केला.
* IIT गुवाहाटी: बांबूला (Bamboo) ऑटोमोबाईल उपयोगासाठी योग्य बनवण्याचे तंत्रज्ञान विकसित केले.

--------------------------------------------------

प्रश्न ११: भारत आणि नेपाळ दरम्यान सीमा व्यवस्थापनावरील चौथ्या संयुक्त कार्यगटाची (Joint Working Group) बैठक कुठे पार पडली?
➠ डेहराडून

स्पष्टीकरण:
- भारत-नेपाळ यांच्यातील सीमा सुरक्षा, सीमेवरील गुन्हेगारी नियंत्रण आणि सीमा व्यवस्थापन सुधारण्यासाठी चौथ्या संयुक्त कार्यगटाची बैठक उत्तराखंडची राजधानी डेहराडून येथे आयोजित करण्यात आली.

संकलन: सागर चिखले