"ДЎМАР"ДА ҲАМ ЯНГИ МТТ БОЛАЖОНЛАРГА ҚУЧОҚ ОЧДИ
Норин тумани «Дўмар» маҳалласидаги 14-сонли давлат мактабгача таълим ташкилоти инвестиция дастури асосида реконструкция қилиниб, 120 ўринли замонавий муассаса сифатида фойдаланишга топширилди.
Муассасада болажонларнинг сифатли таълим-тарбия олиши, соғлом ўсиб-улғайиши ва мазмунли вақт ўтказиши учун барча зарур шарт-шароитлар яратилди.
Тантанали очилиш маросимида Наманган вилояти ҳокими Шавкатжон Абдураззоқов бошчилигида вилоятдаги ҳуқуқни мухофаза этувчи идоралар, давлат ва жамоат ташкилотлари раҳбарлари, фаол нуронийлар ва кенг жамоатчилик вакиллари иштирок этдилар.
Мустақиллигимизнинг 35 йиллиги муносабати билан ушбу замонавий боғчанинг фойдаланишга топширилиши юртимизда инсон қадрини юксалтириш, фарзандларимиз учун муносиб таълим-тарбия шароитларини яратишга қаратилган эзгу ислоҳотларнинг яна бир амалий ифодаси бўлди.
Норин тумани ҳокимлиги Ахборот хизмати
———————————
"DO‘MAR"DA HAM YANGI MTT BOLAJONLARGA QUCHOQ OCHDI
Norin tumani «Do‘mar» mahallasidagi 14-sonli davlat maktabgacha ta’lim tashkiloti investitsiya dasturi asosida rekonstruksiya qilinib, 120 o‘rinli zamonaviy muassasa sifatida foydalanishga topshirildi.
Muassasada bolajonlarning sifatli ta’lim-tarbiya olishi, sog‘lom o‘sib-ulg‘ayishi va mazmunli vaqt o‘tkazishi uchun barcha zarur shart-sharoitlar yaratildi.
Tantanali ochilish marosimida Namangan viloyati hokimi Shavkatjon Abdurazzoqov boshchiligida viloyatdagi huquqni muxofaza etuvchi idoralar, davlat va jamoat tashkilotlari rahbarlari, faol nuroniylar va keng jamoatchilik vakillari ishtirok etdilar.
Mustaqilligimizning 35 yilligi munosabati bilan ushbu zamonaviy bog‘chaning foydalanishga topshirilishi yurtimizda inson qadrini yuksaltirish, farzandlarimiz uchun munosib ta’lim-tarbiya sharoitlarini yaratishga qaratilgan ezgu islohotlarning yana bir amaliy ifodasi bo‘ldi.
Norin tumani hokimligi Axborot xizmati
Sayt | Telegram | Instagram | Facebook | X | YouTube
