ውዴ እግዚአብሔር ሆይ ❤️
የልቤ አባት ሆይ፣ እወድሃለሁ። ቃላት የልቤን ፍቅር ሙሉ በሙሉ ሊገልጹት አይችሉም። በሕይወቴ ውስጥ ሁልጊዜ ከእኔ ጋር ስለሆንክ፣ በደስታዬም ሆነ በመከራዬ ስላልተውከኝ አመሰግንሃለሁ።
ጌታዬ ሆይ፣ እኔ ደካማ ስሆን አንተ ኃይሌ ነህ፤ ስፈራ አንተ መጠጊያዬ ነህ፤ ተስፋ ስቆርጥ አንተ ተስፋዬ ነህ። ልቤ ሲታመም ታጽናናኛለህ፤ መንገዴን ሳላውቅ ትመራኛለህ።
ኢየሱስ ሆይ፣ ለእኔ ያደረግኸውን የመስቀል ፍቅር ስመለከት ልቤ ይሞላል። የማይገባኝን ጸጋ ሰጠኸኝ፤ በደምህም ዋጋ ከፈልክልኝ። ይህን ፍቅር በሕይወቴ ሁሉ ልመልስልህ እፈልጋለሁ።
ስለዚህ ዛሬ እንዲህ እልሃለሁ፦ እወድሃለሁ፣ እፈልግሃለሁ፣ እታመንብሃለሁ። ሕይወቴ የአንተ ናት። የምኖረውም ለአንተ ክብር እንዲሆን እሻለሁ።
“እግዚአብሔር ሆይ፣ ከአንተ ውጭ ልቤ የሚያርፍበት ሌላ ቦታ የለኝም። አንተ ብቻ በቂዬ ነህ።” ❤️✝️
በዘላለም ፍቅርህ ውስጥ ልኑር፣ ቃልህን ልጠብቅ፣ ወንጌልህንም በድፍረት ልመስክር።
እወድሃለሁ ጌታዬ።
አመሰግንሃለሁ።
ሕይወቴም ለአንተ ነው። ❤️✝️
የልብህ ልጅ
August 17, 2026 226 2
