_ وإنت بتحارب عشان توفّر مصاريف الجواز،
وتبص جنبك تلاقي واحد تاني أهله متكفّلين بكل مصاريف جوازه.
_ وإنت طالع عينك عشان تركب مواصلات،
تلاقي واحد جنبك راكب BMW، ماما جايبهاله في عيد ميلاده.
_ والـ2000 جنيه اللي بتقبضهم،
تلاقي غيرك بيصرفهم في قعدة على كافيه في الساحل.
بس اسمعني…
على قد ما مشوارك صعب، هو ممتع ومُشَرِّف.
عربيتك الرخيصة اللي جبتها من تعبك وشقاك… شرف.
ولو بتروح شغلك بتوكتوك… شرف.
ولو حتى مش معاك تمن التوكتوك وبتَمشي عشان توفّر فلوسه…
فإنت بطل ومقاتل.
شقتك اللي شطّبتها على خمس مرات،
كل مرة على قد الفلوس اللي كانت معاك…
قعدتك فيها هتبقى فرحة وإنجاز، لأنك عارف كل جنيه اتحط فيها كان تمنه تعب وشقى.
فـ متفقدش الأمل، ومتَيأسش.
ومتتحولش لناقم على حياتك، ولا حاسد لغيرك.
إنت مش متأخر…
إنت بس بتبني حياتك بإيدك.
إنت مقاتل، وراجل، وبتحاول تعمل حاجة من الصفر في زمن بقى فيه كتير من الناس بتبدأ من حيث انتهى غيرها.
ربنا يرزق كل بطل بياكل من عرق جبينه،
وربنا يعين كل راجل ابن أصول شايل ليلته بطولها،
وربنا يراضي كل شاب نفسه يعيش حياته بالحلال،
ويرزقه من واسع فضله، ويبارك له في القليل حتى يصير كثيرًا. 🤲
6August 9, 2026 332
