گلب مولانا كثير الألم والأسى.. ديروا بالكم على قلب مهدينا هالليلة…💔… — " اللَّهُ هوَ الحُبُ " — TG.ME

گلب مولانا كثير الألم والأسى.. ديروا بالكم على قلب مهدينا هالليلة…💔 گلبه مجروح، فانتبهوا لكلشي تسوونه، هونوا عليه أوجاعه بتوبة، ورجوع، وعهد صادق، إذا احنه ما نفكر بآلامه ، منو يفكر بآلامه؟ ومنو الي ينصره؟ إحنه الي مأخرينه، وإحنه الي المفروض نكون عونه وسنده، خلونه نفكر بي شوي… مثلاً أبونا، الي مسؤل علينا بالدنيا ، إذا طلب من عدنه فد شي أو أمرنا بأمر، ما نسويه؟ أبد، نخجل نرفع صوتنا عليه، ونطيعه ونحترمه؛ لأن هذا أبونا، ولأننا نعرف مكانته بقلوبنا، زين… شلون بأبونا المهدي؟ وهو ابانا الروحي ، وأقرب إلينا من والدنا الي خلانا نجي لهالدُنيا، شلون ما نفكر بقلبه؟ شلون نؤذيه وما نحس؟ شلون نجرحه بأفعالنا، وبعدين نكول نحبه؟ ليش ما نتعامل وياه مثل ما نتعامل مع أهلنا؟ ليش ما نحترمه، ونراعيه، ونحاول بكل فعل نسويه نكون سبب براحة قلبه، مو سبب بزيادة جروحه؟ إلى متى نبقى نأذي ونجرح؟ صارلنا ألف سنة، وذنوبنا مثل السهام تطعن بيه… وترا والله هاي مصيبة، خلونا نخلي الدنيا على صفحة، ونفكر بجروحه ولو شوي… ترا والله جروحه هواي وتأذيه… ، وإذا احنه أبناءه ما نريّح قلبه، فمنو إله؟ منو يكون إله عون وسند؟ قبل لا تسوون أي شي، فكروا بي… فكروا بجروحه، بألمه، وبعيونه الي تبچي دم، إحنه مرات نبچي شوي وما نتحمل، ونحس گلبنه ما نعرف شيسوي بينه من شدة الوجع… زين شلون هو؟ هو الي يبچي دم… تخيلوا بس شگد صار بعيونه من الوجع… آخخخخخ 💔💔 فكروا بإمامكم قبل كلشي، وخلو سعادة قلبه من أولوياتكم، مو بس نحچي عن حبه، ولا بس نبچي على غربته؛ الحب الحقيقي إنك تغيّر نفسك حتى ما تكون من أسباب ألمه، وإنك تقدم طاعته على هواك، وتخلي كل خطوة بحياتك أقرب إلى رضاه، محد يستحق الحب والتضحية مثل المهدي… فخلونه نكون إله، مو عليه خلونه نكون سبب فرح لقلبه، مو جرح جديد ينضاف إلى جروحه. –زَيْنَبُ المَهْدِيّ