فن التواصل والإقناع
هل عمرك سألت نفسك
ليه في ناس بتعرف توصل فكرتها بسهولة؟
وليه في ناس مهما كانت أفكارها قوية مش بتأثر في اللي قدامها؟
الفرق غالبًا هنا بإختصار قدرتك إنك توصل فكرتك بوضوح وتخلي الشخص اللي قدامك يفهمك ويتأثر بكلامك وممكن يغير رأيه أو قراره وهيا مهارة مهمة لأي شخص سواء طالب او موظف او رائد أعمال او حتى في حياتك اليومية
☆ حابب اقول قبل م تكمل المرجع ان الكلام الجاي دا اغلبنا عارفه بس انا حابب اقوله مرتب ورا بعضه بطريقه معينه تخليك تركز فيه وكمان صدقني ال بيفرق شخص من التاني مش المعلومات ال عارفينها بس ال بيفرق مين ال اشتغل علي نفسه بالمعلومات دي، العقل مش دايما بيكون شغال تصرفاتك العاديه المكرره يوميا انت بتعملها بشكل لاواعي من غير تفكير فمش سهل انك تغير طريقه كلامك أو صوتك او طريقه مشيتك لفتره طويله بس انت لو ركزت مع نفسك وحاولت تغير وكل م تنسا تفتكر تاني وتغير مع الوقت فعلا هتتغير وهيبقا دا الطبيعي بتاعك ال بتعمله بشكل لاواعي وساعتها تقدر تقول هوا دا التطور الحقيقي فعايزك تركز مع ال هكتبه تحت دا وتكتب عندك في ورقه ايه الحجات ال هتركز مع نفسك فيها
📎 بعض الاساسيات
● لغة الجسد - Body Language
• حاول تبص في عين الشخص اللي بتكلمه، بس متخليش النظرة ثابتة أو مخيفة عادي كل شوية بُص بعيد طبيعي بس ارجع تاني بص في عينه وحسسه انك مركز معاه
• خلي ضهرك مفروض وكتافك مرتاحين ومتبقاش مايل لقدام أو راجع لورا بزيادة لو انت اخدت بالك قبل كدا انت ممكن تشوف حد جي من بعيد وشه مش واضح بس تعرفو من مشيته ودي حاجه فعلا مميزه ف عادي خد راحتك وهوا دا المطلوب بس
• حاول تحرّك إيدك وانت بتتكلم عشان توضح النقط متكترش من الحركة اوي بس متبقاش ثابت برضو.
خلي على وشك تعبير مناسب للكلام: ابتسامة خفيفة، حماس، جدية حسب الموقف وحاول تبعد عن الجمود أو التوتر
وحافظ على مسافة مريحة بينك وبين اللي قدامك. لا قريبة قوي ولا بعيدة
● نبرة الصوت - Voice Tone
• اتكلم بصوت واضح مش واطي ومش عالي زيادة ولو حسيت إنك متوتر، خد نفس عميق قبل ما تتكلم
• متخليش كلامك كله على نغمة واحدة (زي الروبوت)، غيّر نبرة صوتك حسب الجزء المهم في الكلام، أو لو فيه سؤال
• اتكلم بسرعة معتدلة فلو بتشرح فكرة مهمة، ابطأ شوية علشان توصل كويس وبلاش كلام سريع بزيادة يخلي الناس متلخبطين
• خليك واثق إنك تسكت ثواني بين الجمل ، السكوت القصير يدي قيمة للكلام ويخلي اللي قدامك مركز معاك
● الاستماع
• إنك تسمع كويس دا هيخليك تعرف ترد كويس وفي بعض الاوقات الشخص ال بتتكلم معاه بيكون مش محتاج الا إنك تسمعه بس فحاول لما تكون بتتكلم مع حد تكون مركز وسامع كويس من غير مقاطعه كتير في نص الكلام خلي ال قدامك يكمل كلامه " مش شرط تتكلم كتير لما تسمع كويس هتقدر تقول كلام قليل وزنه تقيل "
● التعاطف
لو جيت تتعلم مهاره البيع هتلاقي المدرب بيقولك اهم حاجه تخلق عاطفه بين المشتري والمكان ، خليك متعاطف وحط نفسك مكان الشخص ال قدامك وحط اسباب لتصرفاتهم ولو زعلت من حد قوله انا زعلت منك علشان كذا كذا عادي ولو حد عمل حاجه عجبتك شجعه وقوله جميل جدا بجد عجبتني مش لازم تخبي الحجات دي
📎 جمعتلكم هنا شويه حجات تسمعوها علشان توسع افكاركم عن المهاره دي وكمان عايزكم تسيرشو عنها في اليوتيوب وجوجل كروم شوفو عنها كتير بجد مع المخزون الكبير في العقل بتفرق حتي لو لوحدها مش مهمه
• مساق مبادئ في فن التواصل الفعال من ادراك
https://www.edraak.org/programs/course/pec-v1
• شرح كتاب كيف تؤثر علي الآخرين وتكتسب الأصدقاء | دوباميكافين
https://youtube.com/playlist?list=PLLIdqKBo7F-oSmk0aP3Np1h2fSVsx1mvk&si=4duN8XEi2meqmXLR
• مهارات الاتصال الفعال مع د. محمد العامري | بودكاست حقيبة
https://youtu.be/U1IavuTC0PQ?si=EtumRTicP1CjouPn
• كيف تمتلك مهارات التواصل؟ | مع عبدالعزيز الموينع
https://youtu.be/X3tuyPxLPp4?si=FNB_jY-Jbjrf8ss7
• شرح كتاب التحدث الي الغرباء | برنامج بوكافيين
https://youtu.be/F9F3tnX-3eg?si=8Td5O2BhP2sFpqQ6
• فن التاثير والاقناع | Chapter One
https://youtu.be/HgiKr0LmoS0?si=eDdgC9zqhO_vVTQ3
• ازاي تكسب الناس وتقوي مهارات التواصل | رحال
https://youtu.be/urUnruRNCc0?si=TzcFMRujODMVjWqP
📎 قلد الناس ال بتشوفهم حواليك وبيعجبك تصرفاتهم أو حركاتهم شوف ايه ال عجبك فيه وحاول تقلده فيها صدقني دي مش حاجه وحشه خالص مع الوقت هتتطبع عليك انت بطريقتك الخاصه مش زيه وهتبقا حلوه جدا انا كنت بعمل كدا اوقات كتير وعادي قوله عجبني فيك كذا كذا هحاول أعملها زيك والله هيحبك جدا وعن تجربه 🫶
3July 19, 2025 741 8
