شيخي لما كان يقابلني أي مشاكل وأحكيله كان يقولي "استمتع بقضاء الله"
اللي هو مش فاهم بصراحة.. يعني إيه أكون متضايق وهو يقوللي استمتع بقضاء الله.. طيب لما أكون فرحان ماشي إنما كمان وأنا زعلان!
لحد ما فهمت معنى الكلمة دي لما قرأت قصة سيدنا موسى على نبينا وعليه الصلاة والسلام.. أُلقي في البحر من وهو صغير وبعد كده بقى أمير وبعد كده خرج خايف يترقب.. بعد شوية بيرعى غنم!!
وفي عز كل ده ربنا عز وجل يقول له "ولتُصنع على عيني"
فهمت إني لما أكون في حاجة حلوة أو مش حلوة اني أسأل نفسي سؤال مهم جدًا
"ماذا يُريد مني الله الآن؟"
الحالة اللي أنا فيها إيه، نعم من ربنا يبقى لازم أستمتع بقضاء الله بالشُكر وألبس طاقية الشاكر لله..
الحالة فيها بلاء.. يبقى لازم أستمتع بقضاء الله بالتضرع إليه والدعاء..
وفي الحالتين أنا راضي يا رب الحمد لله..
ساعتها هتكون عبد بجد.. مستسلم لقضاء الله.. وافتكر الآية دي "ولتُصنع على عيني".. وهنا سؤال مهم "تفتكر ماذا يريد الله منك الآن!؟"
- أدهم إبراهيم
April 7, 2025 580 2
