الكوميونيتي- الدواء + اختبار الهيئة اخذته بوقت مذاكرتي لاختبار الهيئة الكلية شرطت نحضر دورة ونختبر اختبار عشان يعطوننا الموافقة يوم شافون اذاكر الصيدلية قالوا اذا تبين لا تجين واخذت الباقي وقت مذاكرة دخلت مع كبشة ونصيحة ادخلوا معه بدون تفكير ذاكرت حوالي شهر ونص والمذاكرة الفعلية أقل من هذا بقليل الحمدلله جبت درجة عالية من أول مره بس شديت على نفسي تكه بتسمعون ناس تقول لازم شهرين او ٣ او مايمدي تجيبون ٧٠٠+ من أول مره وكلام ماله أول ولا آخر 😆، كل أحد أدرى بنفسه، أنا شخصيًا اضطريت اضغط نفسي كذا لكن نصيحة لحد يطول المذاكرة أكثر من ثلاث شهور أبدًا ولا تقللونه عن شهرين عشان ماتنضغطون وانتبهوا تتعبون وقت الاختبار 🥹 قووا مناعتكم وابعدوا عن التعبانين لو مهتمين تقدمون ريزدنسي احرصوا تخلصون الاختبار بدري كانت النية أبكر بس بسبب انظمة الكلية ماقدرت أختبر غير بديسمبر إذا اجتزتوا قبل فتح التقديم يسمح لكم بالتحسين إلى فبراير وطبعًا المواعيد هذه تتغير بقليل كل سنة فتأكدوا تتابعون وتستفسرون مسبقًا وشخصيًا كان اختباري بأول اسبوع من الروتيشن اللي بعده فباشرت فقط أول يوم وبعد كذا خليت الكلية ترسل للتدريب بالمستشفى اجازتي لاسبوع كامل (طلبتها كإجازة اضطرارية)
5
