بدايةً، عندنا ٧ روتيشن خلال سنة الامتياز -اللي هي فعليًا أقل من سنة 😅-، كل روتيشن عبارة عن ٦ اسابيع اجباري ٣ روتيشن كلينكال، ١ هوسبيتال فارمسي، ١ كوميونيتي، و٢ اختياري ارسلوا لنا رابط قوقل فورمز قبل البداية، حددنا رغباتنا لروتيشنين اتوقع المفاضلة تتم بطريقتين الأولى يتم قسم المقاعد بين عنيزة والمليداء (واعترضت بس مافيه فايدة 😅، بس انتم خصوصًا انهم وحدوا الاختبارات بالاخير يفترض مايتم تقسيم المقاعد) والثانية بناءً على المعدل هذا بالنسبة للرغبات داخل القصيم خارج القصيم إما أنتم تجيبون القبول بأنفسكم تواصلوا لنكد إن أو اسألوا الطلاب اللي قبلكم عن أرقام التواصل مع الدكاترة اللي تدربوا معهم. الحرس بالرياض مايقبلون غير طلابهم، والملك فيصل التخصصي لازم تعاقد بينهم وبين الجامعة ومافيه بوقتنا أو يتم إرسال فرص من فترة للثانية خلال سنة الامتياز وتسجلون فيها ومن ضمن هذي الفرص مدينة الملك فهد الطبية بالرياض وشركات وهيئة الغذاء والدواء بدينا الامتياز بتاريخ ٢٩/٦/٢٠٢٥ وبننتهي بإذن الله بتاريخ ١٦/٤/٢٠٢٦ قبل الامتياز راح ترتب لكم الجامعة تروحون تحللون بالمستشفى الجامعي، تحتاجون تفتحون ملف في حال ماكان عندكم سابقًا، وبعد ماتطلع النتايج ترجعون تستلمونه من الدكتور ويعطيكم ورقة موقعة بالنتايج بالنسبة للإجازات عندكم إجازة اليوم الوطني، التأسيس، لكم أسبوع اضطراري، ويوم لاختبار الهيئة فيه بروسس ترفعون فيها للكلية بس شخصيًا ماسويته غير يوم طلبت الأسبوع الاضطراري + يوم اختبار الهيئة عدا ذلك تفاهموا مع الدكاترة المشرفين عليكم أفضل إجازات التقويم الجامعي ماتشملكم، بس حاولوا لو عالأقل تقنعونهم يضمنون إجازة العيد بالخطة عشان لا تصيرون ضايعين زينا 🥲 يقولون ارجعوا لجهاتكم التدريبية… إذا كان فيه إجازة بالتقويم الجامعي وحابين تاخذونه فيه مستشفى الولادة والاطفال يمشوننا على إجازات الجامعة.
7
