🌙 Сопол кўзанинг сири
Бир деҳқон ҳар куни иккита кўзада дарёдан сув таширди. Кўзалардан бири бутун, иккинчиси эса дарз кетган бўлиб, йўлда ярим сувини йўқотарди. Бутун кўза ўз мукаммаллигидан фахрланар, синган кўза эса ҳар куни хизматни тўлиқ бажаролмаётганидан уялиб, маҳзун бўларди.
Бир куни у деҳқондан узр сўради. Деҳқон эса жилмайиб деди: «Йўлнинг ўзинг томонига бир боқ». Кўза қараса, ўзи томондаги йўл чети гўзал гуллар билан қопланган, нариги томон эса қуруқ эди.
«Мен сенинг тирқишингни билардим ва ўша ерга гул уруғларини экдим. Сен ҳар куни уларни суғориб келдинг. Мен эса бу гуллар билан уйимни безатдим», деди деҳқон.
✨ Ҳаётимиздаги камчиликлар аслида кимнингдир дунёсини гўзаллаштираётган бўлиши мумкин. Қадрингизни асранг. Хайрли тун!
@KOSONSOY
28
16September 2, 2026 15.2K 2 21
