كل يوم نزيد نتأكد بلي الهدرة و الواقع مش كيف كيف
و كل يوم نزيد نتأكد بلي ربي خلق و فرق كل واحد عندو رايو الحاجة لي تشوفها نتا بزاف شابة غيرك يمكن يكرهها جدا
هاذ الشي تعلمتو كي راني نسطاجي
مثلا كلامي الأول بسك انا نضل ننصحكم تديروا راديو و كنت نقول نعاود و نديرها
كي دخلت للسطاج اكتشفت بلي تخصص راديو مايمثلنيش و مايقدرش يعجبني انا انسانة نبغي نهدر مع les patients مستحيل نتقبل تخصص غي هاكا
ولا مثلا لابو لي بعيد كل البعد على الناس
ماشي بسك نبغي الحس
انا انسانة الحس يوجعني في مخي مي نبغي نبراتيكي الصوالح تاع les injections les voix suture و كامل هاذوا ، حتى و كانوا des acts paramédicaux سما خاطيني انا كطبيبة من غير les sondes w suture
سما ماتديروا على حتى واحد في اي تخصص
انا حاليا لو كان يسقسوني وش نقدر ندير كتخصص باراميديكال نقولهم isp
حتى و فيها تعب مي تعجبني
الموضوع الثاني تاع كل واحد شايبغي
هاذ الشي هدرته على جال التخصصات تاع الريزيدانا
مثلا انا نكره جينيكو و كي دخلت نسطاجي زاد كرهي للسارفيس حرفيااا مستحيل ندير جينيكو لو كان يمدولي مليار في الشهر مانديرهاش
سارفيس عامر تواغ المرضى يتوغوا العمال يتوغوا الغرايين لي زايدين يتوغوا رائحة الدم في كل بلاصة و سبحان الله عندي صحبتي تموت على الجينيكو حلمها تديرها
المهم من هنا تعلموا زوج صوالح لولة انو ماتدير على حاجة حاجة غي من هدرة الناس شوف نتا شاتبغي
الزاوجة اذا 500 واحد يبغي حاجة و نتا ماتبغيهاش البروبلام مش فيك نتا u being urself و الباقي كذلك
و ربي يوفقكم الكتكوتين🤍
6
1September 4, 2026 155 44 1
