قائمة جهاز العروس، ان شااااااء الله كي اليوم نجي نحطهالكم 🤣🎀
اولا رح تلقاو لاشومبر فارغة ما فيها والو، سرير طابلة كرسي و ماطلة تاع سرير فقط. تلقاوها موسخة في حالة 🙂، يعني ماتعزموش تلقاو حتى حاجة تصلح و لا تعاونكم
1. أدوات التنظيف :
بيدون تسياق، مكنسة و فروطوار، منشفة تاع الأرض، طاس باه ترفدو الماء، لوازم التنظيف كامل (صابون، جافيل، صانيبو، صابون اليدين...)
2. الفراش :
غلاف تغلفو بيه الماطلة قبل ما تحطو draps تاعكم، les draps و اغلفة الوسائد ادو زوج و لا ثلاثة حتى كي ماتروحوش للدار بدلو غلاف غسلوه و حطو جديد، وسادة اكيد ادو تاعكم خير انا حتى الماطلة شريت وحدة جديدة خير تاعهم معجبتنيش، ريدو للطاقة من الأساسيات باه تكونو مستورين، طابي و لا زربية فالارض منين سريركم
3. المطبخ :
انصح و بشدة يكونو عندكم مواعين و تطيبو ماكلتكم، ماكلة ريسطو مينداك تجوز بصح اغلب الوقت متصلحش، انا كنت نطيب سورثو هاد العام نحط عشا يطيب و نريح نقرا لابغا عندي غدوة كونطرول نورمال مهم ناكل ماكلة يدي . ماتديش الوقت يا ربي نص ساعة و لا ساعة و انت كليت ماكلة نظيفة و بنينة
تحتاجو كاسرونة و لا طاوة و لا كي تسموها مهم لي تطيبو فيها حليب و طيبو فيها كلش 🤣 الا اذا حبيتو تزيدو عليها و تشرو طنجرة، تحتاجو مقلاة صغيرة، تحتاجو طباسا باه تاكلو خيرو من دار و لا اشرو تاع عظم برا (شغل بلاستيك بصح يابس، مايتكسر ماتخاف عليه انا هدو لي شريت) طباسا خيرو لي تحبو انا عندي bol و واحد مبسط تاع سلطة و واحد شوية غميق، تحتاجو موس و فرشيطة و مغرفة هدو باينين، كيسان الحليب و القهوة و الماء، صفاية تاع حليب، rappe و لا سكرفاج باه ترحو/تسكرفجو عفايس كي تجو تطيبو
ماكلة لي سهلة للطياب : روز، مقارون، soupe خضر، فريث، و أشياء من هذا القبيل. تدو معاكم ملح و حليب و توابل و سكر و و هدو باينين
اهم حااااجة ريزيسطونس باه تطيبو عليها ادو لي يجي شكلها زلابية (حديد داير ماتشروش المسطحة خطأ 🤌🏻🤌🏻) و ملعقة خشب باه تخلطو بيها كي تكونو تطيبو باه مايضربكمش ثريسيثي
هدو سواء بنات و لا ولاد
8
1September 3, 2026 456 6 3
