ထားခဲ့တော့မလို့လား ?
နေခဲ့မယ်နော် ။
ဒါပေမယ့် တစ်ခုပဲ ဖြေခဲ့ပေးပါ ။
ခဏလေး မျက်လုံးမှိတ်ပြီး တွေးကြည့်ပေးပါ။
ကျနော်ကြောင့် မပျော်ခဲ့ရဖူးဘူးလား ။
ကျနော်ရပ်နေသမျှ တစ်လျှောက်လုံး အတတ်နိုင်ဆုံးတော့ မင်းအတွက် တွေးပေးခဲ့ပါတယ်။ အများကြီး မဖြည့်ဆည်းပေးနိုင်ခဲ့ဘူးဆိုရင်တောင် အတတ်နိုင်ဆုံးတော့ ကိုယ်ခက်ခဲနေလည်း မင်းအတွက်ဆိုပြီး ရှေ့တန်းတင်ခဲ့တာပါ။ အဆင်ပြေပါတယ်ဆိုတဲ့ စကားတွေ တဖွဖွ ပြောခဲ့တဲ့ ကျွန်တော်ဟာ လက်တွေ့တွေမှာကျတော့ ဘာတစ်ခုမှ အဆင်ပြေနေတာတော့ မဟုတ်ဘူးပေါ့ ။
ဒါပေမယ့် နှစ်ယောက်အတူ စကားပြောနေခွင့်ရှိတဲ့အချိန်မှာ အနည်းဆုံးတော့ ပျော်စရာတွေချည်း ပေးချင်ခဲ့တာပါ။ မင်းဖုန်းလေးလာရင် ဘယ်လောက်မအားနေပါစေ... အားပါတယ်ဆိုတဲ့ စကားလေးပဲ သုံးခဲ့တယ်။ မင်းစိတ်လိုလက်ရ ဆက်တဲ့ဖုန်းတွေကို အလွတ်မပေးချင်ခဲ့တာလေ။ ထမင်းစားနေရင် ထမင်းစားတာ ရပ်ထားတတ်တယ်။ မီးအားသွင်းထားရင် အားသွင်းကြိုးတန်းလန်းနဲ့ စကားပြောနေတတ်တာပါ။
အများကြီးပေါ့။ နေရာတကာမှာ မင်းပြီးမှပဲ ကိုယ့်ကိုယ်ကိုယ်အတွက် တွေးဖြစ်ခဲ့တာပါ။ ဘယ်အရာမှာမဆို ဂရုတစိုက်ရှိပေးခဲ့သလို ဘယ်အရာကိုမဆို အလေးအနက်ထားခဲ့တာတော့ ယုံပါ။ အများကြီး မဖြည့်ဆည်းပေးနိုင်ခဲ့ပေမယ့် ကိုယ်တတ်နိုင်တာထက် ပိုပြီးတော့ မင်းအတွက်ဆိုပြီး လုပ်ပေးခဲ့ဖူးတာကိုတော့ ယုံပါ။
ထားပါတော့...
အတိတ်ကို ပြန်ပြောလို့လည်း မင်းရဲ့ဆုံးဖြတ်ချက်တွေကို ပြန်ပြင်တော့မှာမှ မဟုတ်ဘဲလေ။ ကိုယ်ဘယ်လောက်ပဲတားတား နောက်ဆုံး မင်း ကိုယ့်ကိုထားပြီး ထွက်သွားတော့မှာပဲ မဟုတ်လား။ ကိုယ့်ကြောင့် မပျော်ခဲ့ရဖူးဘူးဆိုရင်တော့ ကိုယ်က မချစ်တတ်ခဲ့တာလို့ပဲ ထားပါ။ တကယ်တမ်းကျတော့ သိပ်ချစ်ပါတယ်။
ပျော်ခဲ့ဖူးတယ်ဆိုရင်တော့ ကိုယ်လုပ်ပေးခဲ့တာတွေ အလဟဿ မဖြစ်တော့ဘူးပေါ့။ ကိုယ်မျိုးသိပ်ခဲ့ရတာတွေ၊ ကိုယ်ထိန်းချုပ်ခဲ့ရတာတွေ၊ နောက်ဆုံး ကိုယ်ငိုခဲ့ရတာတွေ အလကား မဖြစ်တော့ဘူးပေါ့။ ဟုတ်တယ်မလား။
တကယ်ပဲ အနားမှာ တစ်သက်လုံး ပျော်အောင် ထားချင်ခဲ့တာပါ။ ဒါပေမယ့် ချန်ခဲ့လည်း ရပါတယ်။crdဗျ🍀
1February 15, 2026 910
