معسكر السادس: post #3715 — TG.ME

طلابنا... الابطال اكيد راح تكونون كدها واكثر خليك مسترخي ولا تتوتر ولا تقلق الأمر ابسط مما تتصور اسئلة من المنهج ومن الاشياء الي درستها واغلبها ٩٥% وزارية مكررة اذا مو كلها... وعلى كيفك من اجاوب لا تستعجل... قبل لا اذكر الملاحظات هاي الشغلات لازم اسويهن 🔹 لازم تنام حتى لو شيء قليل ضروري من تكعد الفجر اشرب كمية كافية من الماء الريوك والجاي ضروري حتى تنطي ايعاز للدماغ انت كاعد لأن عبالة لهسة نايم وينشط جسمك 😂 ويجب مراعاة الامور الاتية 🔹 1⃣لا تنسى مستلزمات الامتحان 2⃣ كلشي ممنوع لا دخلة وياك للقاعة مثلا ورقة ناسيها بجيبك او ساعة الكترونية او موبايل او سوار ...الخ 3⃣تأكد من الختم الفسفوري بنصف الدفتر الامتحاني 5⃣على الاغلب راح تلكة اوراق مطبوكة خلي المراقب يفتحهن الك بالمسطرة حتى لا يتمزق الدفتر... 5⃣كل سؤال جاوبة مكانة المخصص لهُ... اهم نقطة هاي ... طلاب الدفتر بيه كل صفحتين السؤال يعني من تفتح الدفتر مكتوب على اليمين جواب السؤال الاول وعلى اليسار جواب السؤال الاول يعني كل صفحتين لسؤال وهكذا للسؤال الثاني ...الخ فا انت حاول وبقدر المستطاع اجاوب السؤال الاول بالصفحات المخصصة لهُ وكذلك الثاني...الخ 6⃣ رغم مكتوب بالصفحات جواب السؤال الاول والثاني...الخ بس انت هم رقم اكتب مثلا س١/ ألف او باء ...الخ النقطة الترك اكتبها ترك لا تنسى وتخلي مكانها تسلسل مال غير نقطة ويعتبر الجواب خطأ فا انت اكتب كل النقاط والترك اكتب امامها ترك 7⃣السؤال الترك عوف صفحاتة فارغة واكتب ترك بالصفحتين لا تكتب جواب سؤال اخر بيها... ( طبعاً للمواد لبيها سؤال ترك ) 8⃣قبل تسليم دفترك راجعة زين تأكد من كل سؤال في مكانة المخصص لهُ تأكد من كتابة رقم السؤال والفرع وتسلسل النقاط...الخ تأكد من رقمك الامتحاني المكتوب على ملصق اليبل مع الكارت العندك... 9⃣من تطلع من قاعة الامتحان كبل وعدل للبيت وانسى الامتحان صفحة واطويها لا تفكر بيه خلي اهتمامك للامتحان القادم... واهم شغلة لا تشوف الاجوبة لأن هذا الشي ممكن راح يخليك قلق ويأثر ع الامتحان القادم... فا خلي بالك التصحيح بالوزاري جداً متستاهلين وراح تشوف هواي شغلات تظن بيها جوابك بيه نقص بس هو كامل.... رابط_قناة_الكيمياء ⬇️ https://t.me/Ahmed_Saleaam