ㅤ أخليك عَلىٰ نَظْرَة .. شَوگ تِتْحَسَّر وَتِگضي اللِّيل بدمع صَامت… — يَشّكـر ٱلدين . — TG.ME

ㅤ أخليك عَلىٰ نَظْرَة .. شَوگ تِتْحَسَّر وَتِگضي اللِّيل بدمع صَامت يِتْكثَّر أخليك تِرجع لذكرَّاي والوجع بيك يِكْبَر وَتِغفىٰ علىٰ حَسرتك والحِلم بيَّه يِتْعَثَّر أخليك تِحچي وي طيفي وصوتك يِتْكَسَّر وَتِسأل الهَوَا عنِّي وكل اسئِلتَك تِتْبَعثر أخليك تِمشِي بليلي .. تَايه ما تِدبَّر وَتِلمس الدرب بيدك بس الأثر مَا يذْكَر أخليك تِعدِّ ثوَاني وكل ثانية تِتْأخَّر وَتِشوف العُمر بدوني شِلون فجأة يِتْقَصَّر أخليك تِعيش بليَّاي وتِتحيَّر وَتِدري إنو غيَابي جرح صعب يِتْجبَّر أخليك تِصرخ بصدرك والصدىٰ بيك يِتْكرَّر وَتِغرگ ببحر شوگك والموج بيك يِتْكَسَّرㅤ. ㅤ أخليك تِلوذ بذكرَّاي .. ومن الشوگ تِتْعَثَّر وتِدري إنو بُعدي قدر مَا ينكتب ويتغيَّر أخليك تِگعد بِسْكات وصوتي بيك يِتْصَوَّر وَكِل لحظة غيَّاب مثل طعن يِتْكَرَّر أخليك تِخفي دمعَك بس خَدَّك يِتْحَمَّر وَتِضحك ضَحك مجروح والضِحك بيك يِتْكسَّر أخليك تِحن لِلي رَاح والحَسرة بيك تِكْبَر وَتِشوف الدَّرب خالِي والفرح من عندك هِجَر أخليك تِعيش الندم والندم بيك يِتْجَذَّر أخليك تعرف متأخر شگد حُبي چَان أَكبر وَشگد خِسرت بروحي يوم إنتَ عنِّي تِتْغَيَّرㅤ.