هبسطهالك: post #1027 — TG.ME

كل التخصصات والوظائف حاليا فيها اعداد كتير وسوق العمل متشبع دي فعلا حقيقه بس كام واحد من الاعداد الزيادة دي شاطر متميز فنان في شغله قليل جدا وخليني اتكلم عن تخصصي (علاج طبيعي) بشكل خاص الاعداد فعلا كتير والكليات كتير بس الحقيقه ان الناس المتميزه في المجال قليله جدا الناس العندها اطلاع علي احدث التطورات في المجال قليلين الناس العندهم ضمير في الشغل وبيتقوا ربنا قليلين. فكر كدا كام واحد في مجالنا زي د محمد سرحان او د محمود الرازي او د محمود سعد او غيرهم من الدكاترة الافاضل . كل الفكر انهم اشتغلوا علب نفسهم حبوا المجال واتعلموا فيه ومؤكد تعبوا جدا في بداية حياتهم طبيعي اي مجال كدا عشان توصل فيه لازم تتعب فيه يبقا في النهاية الإنسان يدخل يتعلم الحاجه البيحبها وعنده استعداد يجتهد فيها لحد ما يحقق هدفه ويتاكد ان ربنا هيكرمه . قال الله تعالى (فَمَا ظَنُّكُم بِرَبِّ الْعَالَمِينَ) وانا وجهة نظري تختلف معاه او تتفق ان العلاج الطبيعي محتاج ناس متميزه تحب المهنة وتفهم اهميتها ودورها في حياة الناس العلاج الطبيعي في حاجه لناس عندها شطاره في البحث العلمي تجتهد وتطلع لينا ابحاث جديده وطرق جديده نوظفها في العلاج العلاج الطبيعي في حاجه لدكاترة تتقي ربنا في مرضاها مش يعتبروه بيزنس الرزق كدا كدا هيجيلك ومكتبلك عند ربنا وطبيعي انك لما تكون شاطر ومجتهد العيانين يجوا عندك انت من وسط كل الناس وبالتبعيه رزق هيزيد لانك اجتهد واتقيت ربنا في شغلك العيان بيدور علي دكتور شاطر متميز فاهم شغله كويس مش اي دكتور وخلاص