اخاف عليك تتبده شعر ما لمتك ماشه يدم كلبي وهوى نعاشه شعرك من تمر بالروح وانت بكل جرح تنحط اخاف عليك اذل روحي وأخافن بيه تتورط افا ؟ يمحجل الرجلين خلاك الوكت تفحط ومحد شالك بروحه طحت جمره على دشداشه أريدك تثبت بروحي ادك عليك دك مربط وانا ادري بيك حلم جذاب . بس ردتك ويكولون الجذب مرات يسوه الصدك المخربط شك الكاغد انشكيت شتظن ينراف يتخيط وكلبت الجمر بأيدي صرت دلته ومنكاشه و دوم انت بوسط عيني عشرة خيط للمخيط شعرك عايش على الله ينبت الشيح ضل بعنفوانك ولا ترجه الشط طلسم كاتبك بأيدي أفتهم معناك وغيري يشوفك مشخبط
March 19, 2026 371
