Flash Practicals 06 - Tips
U නලය භාවිතයෙන් ද්රවයක සාපේක්ෂ ඝනත්වය සෙවීම
අවශ්ය ද්රව්ය හා උපකරණ
🔅U නලයක්, මීටර් භාගයේ කෝදු දෙකක්, පොල්තෙල්, ජලය, කලම්ප ආදාරක සහ විහිත චතුරස්රයක්
ක්රමවේදය
🔅U නළය සිරස්තලයක පිහිටන පරිදි ආධාරක මගින් සවි කරන්න
🔅U නලයේ බාහු වලට ආසන්නව ඒවායේ දෙපස මීටර් භාගයේ කෝදු ආධාරකවලට සවි කරන්න
🔅U නලයේ එක් බාහුවකින් ජලය (ඝනත්වයෙන් වැඩි ද්රවය) එක්තරා ප්රමාණයක් ඇතුළු කර ඉන්පසු අනෙක් බාහුවෙන් පොල්තෙල් තවත් ප්රමාණයක් ඇතුළු කරන්න.
🔅විහිත චතුරස්රය උපයෝගී කරගෙන ජල මාවකයට සහ ද්රව මාවකයට අනුරූප පාඨාංක (X හා Y) ද තෙල්/ ජලය පොදු අතුරු මුහුණතට අනුරූප පාඨාංකය (z) ද නිවැරදිව සටහන් කරගන්න.
🔅තවත් පොල්තෙල් (ඝනත්වයෙන් අඩු ද්රවය) ස්වල්ප බැගින් එකතු කරමින් X,Yසහ Z සඳහා පාඨාංක හයක් පමණ ලබාගන්න
🔅පසුව පොදු අතුරු මුහුණත සිට ද්රව කඳේ මාවකයට ඇති දුරත් පොදු අතුරු මුහුණත සිට ජල කඳේ මාවකයට ඇති දුරත් සුදුසු පරිදි ප්රස්ථාර ගත කර(ස්වායක්ත විචල්යය ලෙස පොදු අතුරු මුහුණත සිට ද්රව කඳේ උස භාවිත කරමින්) එහි අනුක්රමණය මගින් ද්රවයේ සාපේක්ෂ ඝනත්වය ගණනය කළ හැක
විශේෂ කරුණු
🔅U නලයට ද්රවයන් ඇතුළු කරන විට එහි බාහු ඔස්සේ ගලායන පරිදි ඇතුළු කළ යුතුය
🔅පොදු අතුරු මුහුණත සිට ද්රව කඳන්වල උස අවම වශයෙන් 10cm ඉක්මවිය යුතුය නැතහොත් ප්රතිශත දෝෂය 1% වඩා වැඩි වේ
🔅පරීක්ෂණය සිදු කරගෙන යන විට නැවත නැවතත් ඝනත්වය අඩු ද්රවය U නලය තුළට යොදමින් පාඨාංක ගෙන සටහන් කර ගැනීම සිදුකරයි
🔅ඝනත්වය වැඩිද්රවය යොදමින් පරීක්ෂණය සිදු කළහොත් පොදු අතුරු මුහුණත සිට ද්රව මාවක වලට ඇති දුර නියතයක් ලෙසම පවතී
🔅U නලයට මුලින්ම ද්රවයන් ඇතුළු කරන විට පළමුව ඝනත්වය වැඩි ද්රවයත් දෙවනුව ඝනත්වය අඩු ද්රවයත් ලෙස එකතු කරයි
🔅පළමුව ඝනත්වය අඩු ද්රවය සහ දෙවනුව ඝනත්වය වැඩිද්රවය ලෙස U නළයට ද්රවයන් එකතු කලහොත් ද්රවයන් දෙක බාහු දෙකටම ඇතුළු වී පරීක්ෂණය කරගැනීමට නුසුදුසු තත්වයක් ඇති කරයි
🔅පරීක්ෂණය සිදු කිරීමේදී පොදු අතුරු මුහුණත U නලයේ පහළ කොටසේ පිහිටි වක්ර කොටස තුළ නොපවතින ආකාරයට තබා ගැනීමට වග බලා ගත යුතුය
🔅විහිත චතුරස්රය මගින් ද්රවමාවක වලට අදාළ පිහිටීම්වල පාඨාංක ලබාගන්නා විට ද්රව මාවකවල පහලම පිහිටීමට අදාළව ලබාගයි
🔅එකිනෙක මිශ්රවන ද්රව දෙකක ඝනත්වය සංසන්දනය කිරීම සඳහා U නලය පාවිච්චි කරන අවස්ථාවකදී අතරමැදි ද්රවයක් ලෙස ඒ ද්රව දෙකම සමග මිශ්ර නොවන ද්රවයක් භාවිත කළ යුතුය
Quality Physics
අරුණ පල්ලේකුඹුර
0769996161
