މިސްކިތު ޖަމާޢަތުގައި ނަމާދުކުރުމުން ތިބާ އުޒުރުވެރި ކުރުވަނީ ކޮން ކަމެއްތޯއެވެ؟
އަބޫ ހުރައިރާ رضي الله عنه ގެ ކިބައިން ރިވާވެގެންވެއެވެ. އެކަލޭގެފާނު ވިދާޅުވިއެވެ: 
ނަބިއްޔާ ﷺ ގެ އަރިހަށް ލޯފަން ބޭކަލަކު އައިސް ދެންނެވިއެވެ: "އޭ ﷲ ގެ ރަސޫލާއެވެ! ތިމަންކަލޭގެފާނު މިސްކިތަށް ގޮވައިގެންދާނެ އެހީތެރިއަކު ނުވެއެވެ." 
ފަހެ، އެކަލޭގެފާނުގެ ގޭގައި ނަމާދުކުރުމަށް ރަސޫލާ ﷺ ގެ އަރިހުން އިޒުނައަށް އެދުމުން، އެކަލޭގެފާނު އެކަމަށް އިޒުނަ ދެއްވިއެވެ. ދެން އެމީހާ އެނބުރި ދާން ފެށުމުން އެކަލޭގެފާނު އެމީހާއަށް ގޮވާލައްވައި ހަދީޘް ކުރެއްވިއެވެ: "ނަމާދަށް ގޮވާ އަޑު (ބަންގި) ތިބާއަށް އިވޭހެއްޔެވެ؟" އެމީހާ ދެންނެވިއެވެ: "އާދޭހެވެ." 
އެކަލޭގެފާނު ﷺ ހަދީޘް ކުރެއްވިއެވެ: "ފަހެ، (އެ ގޮވައިލުމަށް) އިޖާބަދޭށެވެ! (މިސްކިތަށް ނަމާދަށް އަންނާށެވެ!)"
صحيح مسلم [ 653 ]
https://t.me/FewMinute
