انه همومي جهال وترضع دموع اگضي الليل الولي وما يهيدون.. "أغطي بهذا يگعد ذاك ويلوع يگعدون على صوته وما ينامون".. "الكبر منهم فطمته وياكل ضلوع" شسوي شلون لو كلهم يكبرون".. جنح بيه نكسر والثاني مخلوع طرت گوه على عناد اليكرهون "بس اسمك نهر والماي مگطوع" وأنه على الجرف الهث بالعيون.. اون بسكوت موش بصوت مسموع وانه جروحي علچ والوادم سنون.. من عرجه الفرح من روحي مشلوع وشتل جرحه الزمان بنص العيون".. عشت عمري بـ يتم ومگمط بجوع ورضعت الضيم من دون اليرضعون.. "تمنيت الوكت لو يرجع رجوع انه مسودن واريداً يرجع الكون".. بعده اخضر عشگنا وتوه مزروع واجوا ربعي بمناجلهم يحصدون.. "يونس زين عمي بحوت مبلوع انه بحلگ الشماته المايرحمون"
August 31, 2026 43
