صَابرلة عُمر والعلَي سويتة
شلت منة الحزن وببَيتي خليته
وغمضت الگلب..
أعمى گلت امشي وياه
وسعَف فوگ الجمر بهداي مشيتة
لأن منة الذَنب حاربتة باليهواه "
وبجمرة حبيبة الگلب چويتة ..
شبرين النهر عنه ، يتيمم ليش ؟
ولا چني بزلال الروَح وضيتة ..
ولا چني شلت منه على راس النار
وحَاربت الضلام وليلة ضَويتة
ما جازة الملح، كلت الملح بي عيب
ومن
دمعي
وجروحي
ونوحي
بريتة ..
وبدت گطرة بنهَر والعطش كد الكاع
قصتنة وبقت والصبر مليتة
بَس المُر" حچيتة وسولفتة للناس
وسَر شبگ العسل للموت خليتة "
August 19, 2026 104
