2025 йил октябрида Исроил армияси снайпери Ғазо секторида ўтин тўплаётган 16 ёшли фаластинлик Маҳмуд ад-Дуррага ўқ узди. Жароҳатланган Маҳмуд шундан сўнг қўлга олиниб, Ал-Бурайж қочқинлар лагерида қарийб тўққиз соат давомида калтакланган ва ёмон муомалага учраган.
Кейинчалик Маҳмуд Халқаро Қизил Хоч қўмитаси билан мувофиқлаштирилган ҳолда Ал-Ақсо шаҳидлари шифохонасига олиб борилди. Шифокорлар унинг ўнг оёғини кесиб ташлашга мажбур бўлди. Бу жароҳат унинг расман футболчи сифатидаги фаолиятига нуқта қўйиб, профессионал спортчи бўлиш орзусини ҳам барбод қилди.
Маҳмуднинг ҳикоясида унинг акаси — Муҳаммад ад-Дурра номи ҳам алоҳида ўрин тутади. Муҳаммад ад-Дурра 2000 йилдаги Иккинчи Интифоза даврида Исроил ўқидан ҳалок бўлган фаластинлик бола эди. Унинг тасвирлари Фаластин халқининг хотирасида чуқур муҳрланиб, Фаластин масаласининг тимсолларидан бири ва ишғол остидаги фаластинлик болалар азоб-уқубатининг рамзига айланди.
Бугун Маҳмуд оиласи билан қаттиқ шикастланган уйида яшамоқда. У бир оёғидан айрилганидан кейинги янги ҳаётга мослашишга, айни пайтда уруш келтириб чиқарган оғир шароитларга бардош беришга ҳаракат қилмоқда.
📞 Маҳмуднинг оиласи билан боғланиш учун: 059-9868006
https://t.me/FaIastin
11
6
5
1August 31, 2026 714 2
