_بەشێ سێیێ: (العلامات الكبرى)
عەلامەتێن مەزن
هەرگاڤەكا ئەڤ عەلامەتێن مەزن ڕویدان ب دویڤ دا دێ قیامەت ڕابیت، ئەو ژی دەهـ عەلامەتن و هێژ چو ژ وان نە ڕویداینە.
موسلم ڤەدگوهێزیت د صەحیحا خۆدا حەدیسا (حذىفة بن أسيد) گۆت: (اطلع النبي صلى الله عليه و سلم علينا و نحن نتذاكر، فقال:ما تذاكرون؟ قالوا نذكر الساعة، قال: انها لن تقوم حتى تروا قبلها عشر آيات).
ڤێجا گۆت ئەو عەلامەتە ئەڤە بوون یێن پێغەمبەری ﷺ بەحسکرین: (دەرکەفتنا دویکێلەکێ، دەجال، داببا عەردی، هەلاتنا ڕۆژێ ژ رۆژئاڤای، هاتنە خارا عیسای، یەئجوج و مەئجوج، سێ خەسف دێ پەیدا بن: خەسفەك ل رۆژهەلاتی، و ئێك ل رۆژئاڤای، و ئێك ل جەزیرا عەرەبا، و نیشانا دوماهییێ ئاگرەکە دێ دەرکەڤیت دێ خەلکی بەتە ساحا مەحشەرێ).
و د هندەك ڕیوایەتێن دی دا یا هاتی کو هاتنا ئیمام مەهدی ژی و خرابکرنا کەعبێ، و بلندبوونا قورئانێ ژ عەردی.
دێ بەحسێ هەر دەها کەین:
١_دەركەتنا مەهدی كو زەلامەكە ژ ئەهلو بەیتا پێغەمبەرییە ﷺ، ژ عەیالێ حەسەنێ کورێ عەلییە -خودێ ژێ ڗازی بیت-، دێ دەرکەڤیت د وەختەکی دا کو تژی عەردی یا زولم بووی، ئەو دێ شینا زولمێ عەردی تژی دادی کەت، ناڤێ وی وەكی یێ پێغەمبەری یە ﷺ و یێ بابێ وی وەكی یێ بابێ پیغەمبەری یە ﷺ.
٢_دەركەتنا مەسیحێ دەجال: دبێژنێ مەسیح چنکی جهێ چاڤەکێ وی یێ مەسح کرییە، و هەروەسا یا گۆتییێ مەسیح چنکی دێ د عەردی دا گەریێت. ئەو زەلامەكە ژ نەڤیێن ئادەمییە، گەلەك خەلك دێ پێ د سەردا چن، خودێ تعالی هندەك کارا ل سەر دەستێ وی دێ دەرێخیت کو نە د عەدەتینە، و دێ بێژیت ئەز خودێ مە، و ئەو باطلێ ئەو دبێژیت کارتێکرنێ ل ئیماندارا ناکەت، و دێ چیتە هەمی باژێرا ژبلی مەککەهـ و مەدینێ، ئاگرەک و بەحەشتەك یا د گەل وی، ئاگرێ وی بەحەشتە و بەحەشتا وی ئاگرە.
٣_هاتنە خارا عيسایێ کورێ مەریەمێ -عليه السلام-: دێ هێتە خار ژ عەسمانی بو عەردی، دێ هێت وەك حاکمەکێ عادل دێ خاچێ شكێنیت، و بەرازی كوژیت، و دەجالی ژی دێ كوژیت.
٤_دەركەتنا یەئجوج و مەئجوجا، ئەوژی هندەك مەخلوقاتن هژمارەکا گەلەکن، دبێژن ئەو ژ عەیالێ یافثێ کورێ نوحینە -علیه السلام-.
٥_خرابكرنا كەعبێ: و هەروەسا ژێڤەکرنا چەکێ وێ ئەو زێر و زیڤێن پێڤە، ل سەر دەستێ (ذو السویقتين)
و (سویق) تەصغیرا (ساق)ـە یەعنی: پێ، وەکی کو تو پێی بچیک کەی بێژی پێکەك، ڤێجا خودانێ هەردوو پێن زراڤ دێ هێت و دێ کەعبێ خراب کەت.
4
3September 28, 2024 810 5
