فوائد الدروس (مدرسة القرآن والسنة): post #101 — TG.ME

نیشانێن قیامەتێ (ب کورتی): نیشانێن قیامەتێ دبنە سێ بەش: _بەشێ ئێکێ: (الأمارات البعيدة) ئەو عەلامەتن یێن دویر، كو یێن ڕویداین و یێن ب دوماهیك هاتین ژی. _ژ وانا: هنارتنا پێغەمبەری ﷺ. _هەروەسا کەربوونا هەیڤێ، وەکی د قورئانێ دا هاتی. _هەروەسا دەركەتنا ئاگرەكی ل عەردێ حیجازێ كو ژبەر مەزنییا ڤی ئاگری ستویێن حێشترا ل بوصرا دێ روناهی لێ دەتن. _بەشێ دووێ: (الأمارات المتوسطة) ئەون یێن کو ڕویداین بەلێ ب دوماهیك نەهاتینە بەلكی هێژ یێ زێدە دبن، و ئەو ژی گەلەكن، ژ وان: ١_جاریەكە دێ خودانێ وێ بۆ خۆ ئینیت و دێ كورەك ژێ هەبیت و كورێ وێ دێ بیتە مەزنێ وێ (چونکی دێ ئازاد بیتن)، و هندەك ژ زانایان ڤێ تەفسیر دکەن کو دێ عەیال حوكمی ل دەیك و بابان كەن. ٢_مرۆڤێن رویس و پێخاس و شڤانێن بەر پەزا و مرۆڤێن هەژار دێ ئاڤاهییێن بلند و تەبەقا بلند كەن و دێ ئاڤاهییێن گەلەك بلند ئاڤا كەن. و غەیری ڤان ژی، و ئەڤە یا ڕویددەت و دووبارە دبیتن، بۆ نموونە زێدەبوونا ڤەخارنا عەرەقێ یا ڕویددەت و دووبارە دبیت، كێمبوونا علم و زانستی و شەریعەتی یا ڕویددەت و یا بەردەوامە. ٣_ژ وانا دەركەتنا ٣٠ دەجالا، دەجالن، درەوینن و هەمی دبێژن ئەم پێغەمبەرین، ڤێجا هندەك ژ وان یێن هاتین، و بەردەوام دێ هێن و یێن ماین ژی. ٤_ژ وان: رویبارێ فوراتێ دێ لادەت و چیایەکێ زێری دێ ژێ دەرکەڤیت، و ئەڤ عەلامەتە هێژ نەدەرکەتییە. ئەڤەژی فتنەیەکە و پێغەمبەرێ خودێ ﷺ ئەمرێ مە یێ کری ئەگەر ئەڤ فتنە دەرکەت کو ئەم نەچینێ و بەرەڤ ڤە نەچین.