گمت اخذ نفَس و بريّتي ينزل غيم
وندَليت عِلتي و جَرّحي گـضَيته
روح الهوه بظهرَك و الهويته يروح
مو بَس شوفي عنَك سمعي غضيته
گبل ليلَك وخلكي يتسابكن بالطول،
العلي ما كفه هسه بروحي كفيته
انا بخد النده تلگاني طايح ماي
وصوت النفس يصهل بأذني خَليته
هوه بروحي مِن اطلعه الموته يتنفسون
بَس عاندت روحي وبيها ضَميتا
مَشيت وخيط واهس چلَب بمَگفاي
ثَكل مستحاي وجدمي هميته
روح اترس فراغك بالبرود البيك
انا وجه الشمس بالملگه غطيته
ـ الشَـهيد عَلي رَشم
June 21, 2025 179
