شرح مشروع الانجل علموكم عن الـ CA وتحسون انكم محتاسين شوي؟ الـ ca هو… — انجليزي التحضيري — TG.ME

شرح مشروع الانجل علموكم عن الـ CA وتحسون انكم محتاسين شوي؟ الـ ca هو مشروعكم لمقرر الانقليزي عليه ٢٠ درجة، شغلكم فيه يبدأ من يوم ما يعلمونكم الدكاترة العناوين ويرسلون لكم الصفحة اللي بتكتبون فيها، تقريبًا من اربع او خمس خطوات بيكون المشروع، -أول اسبوع بتشتغلون فيه بيعطونكم عنوان رئيسي وعناوين فرعية للعنوان الرئيسي، تختارون من هالعناوين الفرعية خمسة او ستة تقريبًا، وتكتبون عن كل عنوان فرعي جملتين الى ثلاث جمل بسيطة ويكون لها كلها علاقة بالعنوان الرئيسي، وبيصححونها لكم الدكاترة ويعلمونكم لو فيه اغلاط وكذا. -الاسبوع الثاني من الشغل بتاخذون هالجمل اللي سويتوها وبتكونون منها نص (بيحددون لكم ادنى عدد كلمات ممكن تكتبونها عشان محد يكون حقه قصير أو طويل مره)، و تسوون هالنص بمقدمة وعرض وخاتمة وكلها تكتبونها حسب القواعد الصحيحة، وبيصححها لكم الدكتور/ة ((ولو عندكم اخطاء املائية او نحوية او قواعد او اي شي بيعلق عليها الدكتور/ة وبينبهكم على كلل شي وبيكون فيه جدول تحت يبي لكم وش الاخطاء الواردة)). -الاسبوع الثالث من الشغل بتاخذون نصكم اللي كتبتوه وتعدلونه زيين مره بعد ما تمشون على تعليقات دكتوركم وما تخلون فيه ولا خطأ قدر المستطاع وبيصححها الدكتور/ة. -الاسبوع الرابع من الشغل بيخليكم الدكتور/ة تقدمون لباقي الشعبة نصوصكم وافكاركم، (ولكم الحرية عاد اذا تبون معها عرض تقديمي وكذا ولا بس تتكلمون).