عشان بقالك فترة كبيرة فى زون الراحة و المرقعة و تقيل عليك انك تخرج منها
لأن طبع البنى ادم الكسل
الحل طبعا انك تستعين بالله و تبدأ قليل و تزود بالتدريج على مدار اسبوعين يعنى ابدأ بساعة ساعتين لغاية ما توصل بالتدريج ل ٦ ولا ٨ ساعات فى اليوم أو اكتر لو تقدر
و أهم من كل دا انك قبل ما تنام تحدد لنفسك انت هتعمل ايه بكرا و تكتبه قدامك و تسجله فى ورقة عشان تقوم الصبح عارف انك وراك مهمة لازم تخلصها
و دا طبعا مبنى على كونك عامل لنفسك خطة و محدد لنفسك وقت و مواعيد مش سايب الدنيا فى بعضيها و ماشى عشوائى
تنظيم الوقت مهم جدا و اغلى استثمار تقدمه لنفسك استثمارك فى وقتك فمتسمحش لنفسك ان اليوم يعدى و خلاص
كما يقول الحسن البصري :: « يا ابن آدم، إنما أنت أيام، كلما ذهب يوم ذهب بعضك »
18
3
1August 25, 2026 1.4K 15
