{الحلم والوطن}
تقع سوريا على خط جغرافي مميز، جعل من أبناءها مشردين من فجر التاريخ وحتى يومنا هذا...
سوريا وطن.
لاء وقف شوي لحتى غير صالحة أنك تقول عنها وطن.
الوطن هو مصدر الأمان والانتماء والهوية التي يشعر الفرد بها كدفء الاسرة الكبيرة وهو رمز للحرية والكرامة.
للأسف مالقيت بسوريا أمان وماعندي إنتماء إلها ولا هاوية أساساً انا كار الكل عن أي أسرة بتحكو أنتو؟
سوريا بلد لقتل الأحلام وإرهاق الأجساد وفناء الروح.
الإنسان بأي بلد تاني بكون عنده روتين يومي من نشاط لعمل لطلعات سهرات رفاهية ومتعة بالحياة،
بينما الإنسان السوري بتلاقيه مبرمج متل الروبوت شغل اكل نوم وبيجي آخر الشهر عليه دين.
الطالب بالدول التانية متوفرله الراحة والهدوء مستوى تعليمي ممتاز بأحدث التقنيات والأساليب.
بينما الطالب السوري ضجة وشغل مع الدراسة بيدرس على ضو الشمعة مافي معدات متطورة وبتلاقيه مبسوط.
اي مبسوط مو لأنو عاجبه الوضع لاء بس لأنه عم يحاول يىاضي نفسه ويقتنع.
بكل بلد بتلاقي التنوع الديني والتعايش مع كل الطوائف بسلام بسوريا كل انسان دولة بده دولة لحاله.
بباقي البلدان كل شخص اله اختصاصه مابيتدخل بغير اختصاص حتى لو بيعرف.
بسوريا: الدكتور قلي خود هاد الدوا.
لك لاء ولو الدكتور شو عرفه جدي مرض نفس المرض.
المهندس رسم وصمم وحقق الشروط الوظيفية وتعب بيجي المعار بلحظة وبدون اي تفكير بعدل من حاله واذا سألته ليش بقلك هاد شو عرفه دارس عالورق بعمره ماحط بلوكة عبلوكة.
بسوريا بتلاقي الشخص الواحد: مدرس-سياسي-عسكري-دكتور-مهندس-عالم شريعة-نجار-حداد وأي شي بيخطر على بالك بس صعب تلاقي حدا يقلك مابعرف مو شغلتي.
خلف ابتسامة كل مواطن سوري شخص كئيب مابيمنعه من الانتحار إلا دينه.
سوريا عبارة عن رقعة جغرافية أشبه بسجن موسع وكل إنسان فيها ناطر أول فرصة لحتى يطلع.
سوريا مكان حيث لا مكان.....
حكايا شاب سوري يتطلع للنجاة...
August 22, 2025 1.1K 7
