Loading Doctors 🌱: post #233 — TG.ME

أول حاجة مفيش طريقة أحسن من طريقة في إن شخص مرتاح في الطريقة دي ومخلياه عارف يذاكر أحسن فلو أنت شخص مرتاح في اللي قررت تمشي جدولك عليه ملكش دعوة بكلام حد ولا أول الدفعة بدأ ايه ابقى زيه ولا حاجة من دي كل الطرق في الآخر بتؤدي إنك هتبقى مخلص مراجعة المادتين إن شاء الله فالمطلوب تشوف ايه الطريقة اللي هتخليك مُنجز، مش قلقان، مرتاح فيها وعمومًا مفيش طريقة هتخليك مبسوط عشان أنت بتذاكر باطنة وجراحة 😂 فكدا كدا هتبقى الفترة دي تقيلة شوية عليكم أيًا كان مشيتوا ازاي، متحسوش إن العيب فيكم بالنسبالي كان أفضل حل إن اراجع باطنة مع جراحة أنا كنت مخلصة باطنة آخر راوند وكنت قلقانة اسيبها وابدأ جراحة زي نصائح المعظم اضيع جهدي فيها وانا لسه مراجعها وفاكراها وفي نفس الوقت خفت ابدأ بيها اديها اكتر من حجمها وازنق نفسي في الجراحة أو افضل طول ما بذاكر قلقانة على الجراحة فالبتالي أكتر حل وصلته وقتها إن أبدأ الاتنين سوا واحاول اجيب الحاجات اللي شبه بعض سوا زي ال GIT فده وفر عليا كتير + أن حسيت كدا زهقت من الباطنة؟ خلاص هروح جراحة، زهقت من الجراحة ؟ هروح باطنة فحسيت الانتقال ده مفيد نفسيًا لتغيير الجو العيب الوحيد في الطريقة دي أن بعض الناس بتشوف إن مش بتعرف تحس بإنجاز منها إن في حين هتلاقي في نص الوقت صحابك بيقولك خلصت الباطنة وأنت لسه في نصها عشان بتذاكر معاها نص الجراحة فلو أنت شخص مش بتقارن مش فضولي تسأل الناس، بتاخد الأمور بعمقها مش بظواهرها مش هيبقى فيه أي عيب للطريقة دي ! أنا معظم الناس حواليا مشيوا الاتنين سوا وتبارك الله كله كان درجاته كويسة ومحدش ندم أن عمل كدا مشيت فيه على جدول هبعته في ٥٦ يوم الفترة ممكن تتمد معاكم شوية بس حاولوا مش اوي وحاولوا تضبطوا انتوا الجدول لنفسكم بمعنى كان في حاجات أنا شايفة نفسي ذاكرتها حلو وهي محطوطلها ٣ ايام مثلًا فخليتها يومين بس وزودت اليوم لحاجة تانية شايفة أن بتطول معايا فمش لازم تمشوا نفسه بالضبط قد ما هو فكرة ليكم تعملوا جدول زيه وعادي تلاقوا حاجات مكتوبة تخلص في وقت قليل وأنت شايف كتير متوتروش كتر وقت ماشي بس متخليش الموضوع يوسع منك لأن بالنسبالي أنا شايفة لازم كل مادة تتراجع مرتين ومرتين بسرعة احسن من مرة ببطء عشان المرة التانية اللي بتضبط فحاولوا تضبطوا نفسكم على كدا اللي عايز يبدأ باطنة أو جراحة مفيش أي غلط والطريقة دي برضه منجزة جدًا فلو حد ناوي كدا وارتاح ليها مفيش أي مشكلة ويسيبوا من الكلام ده بالعكس اعتقد معظم الناس بتعمل كدا فأنتوا تمام