Dent Boss: post #116 — TG.ME

#فقرة_أهم_الافكار اليوم رح نحكي عن محور جديد🥰 #محور_الأطفال_والتقويم_الوقائي: ⭕️ المحور بأخر دورة تغير بشكل كبير عن الشغلات يلي كانت تجي قبل حتى التقويم الوقائي كان يجي سؤالين تلاتة حافظات والطلاب يكونو مبصمينن تبصيم يعني مثلا فقد ارحاء مؤقتة ثنائي جانب خلص نانس. فقد رحى مؤقتة احادي طوق وعروة يعني كانو يجو واضحين بس هلأ صار ضمن التقويم الوقائي عم تجي اجهزة وعضات معكوسة وغيرا لازم يتركز علين أكتر وبشكل أوسع. ⭕️ العادات الفموية مهمة كمان من مص الاصبع وقضم الاظافر بياخدو الاهمية الاكبر والتنفس الفموي طبعا وعلاماتو (حرفيا كل دورة بيجو) ⭕️ المعالجات اللبية الفتية (بتر لب - تغطيات لبية - استئصال عصب - تصنيع ذروي - MTA) هدول كذا سؤال بيجي منن كل دورة وما عم يكونو بهل الصعوبة الكبيرة. ⭕️ترميم الأسنان المؤقتة (املغم وكومبوزت) صنف اول وتاني بشكل أساسي وتحضيراتن مع تيجان ستانلس ستيل SSC ⭕️ أساليب تدبير السلوك (في دوائية وغير دوائية) شغلات متل التركين وكيف بشغل فكر الطفل وقت الشغل وأصناف الأطفال متعاون وغير متعاون هدول هامين كتير وبيجو باستمرار. ⭕️الرضوض (كل واحد علاماتو وعلاجو). ●● هدول عناوين هامة أساسية بمحور الأطفال لازم تتركز بشكل كبير. يعني بحط لائحة بهل العناوين وببلش بالدراسة بالمحور وهدول العناوين اكتر شي بركز عليهن ولازم يتراجعو بالاخير بشكل منيح وواضح. كل الحب💙 الي عندو سؤال يبعتلنا ع الغروب https://t.me/Dent_Boss2024