ВИЦЕ-МИНИСТР МАНАС РАМАЗАНОВ ЖЕТІСУ ОБЛЫСЫНДАҒЫ ДЕНСАУЛЫҚ САҚТАУ САЛАСЫНЫҢ ЖҰМЫСЫМЕН ТАНЫСТЫ
Мамандандырылған медициналық көмектің қолжетімділігі, ана мен бала денсаулығын сақтау қызметін дамыту, медициналық инфрақұрылымның жай-күйі Денсаулық сақтау вице-министрі Манас Рамазановтың Жетісу облысына жұмыс сапарының негізгі мәселелеріне айналды. Аудандық және ауылдық деңгейлерде медициналық көмекті ұйымдастыруға ерекше назар аударылды.
Сапар барысында вице-министр Талдықорған қаласының облыстық ауруханасына барып, рентген-ангиографиялық операциялық бөлменің, госпитальдық фармацияның және клиникалық-диагностикалық бөлімшенің жұмысымен танысты. Медициналық көмекті уақтылы диагностикалау және мамандандырылған медициналық көмек көрсету мәселелері қаралды.
Облыстық көпбейінді балалар ауруханасында ол қабылдау бөлімінің, реанимация және қарқынды терапия бөлімдерінің, операциялық блоктың, травматология және хирургия бөлімшелерінің жұмысын қарап, ғимаратты реконструкциялау барысымен танысты.
Сапар барысында аудандардағы медициналық көмектің қолжетімділігіне ерекше көңіл бөлінді. Үштөбе қаласының аудандық орталық ауруханасында вице-министр медициналық алғашқы және мамандандырылған көмек бөлімшелерінің, компьютерлік томография кабинетінің, Ерте дамыту және араласу орталығының, оқу-симуляциялық кабинеттердің және әлеуметтік-психологиялық көмек қызметінің жұмысын көрді.
Еркін ауылындағы дәрігерлік амбулаторияда вице-министр профилактикалық тексерулерді, вакцинациялау мен скринингтерді ұйымдастырумен, сондай-ақ Пациенттерді қолдау қызметінің, жастар және отбасылық денсаулық орталықтарының жұмысымен танысты.
Сапар қорытындысы бойынша алдағы жұмыстың негізгі бағыттары айқындалды. Олар – мамандандырылған медициналық көмекті дамыту, пациенттерді медициналық ұйымдарға бағыттау жүйесін жетілдіру, ана мен бала денсаулығын сақтау қызметін нығайту, медициналық инфрақұрылымды одан әрі жарақтандыру және дамыту болып табылады.
Қазақстан Республикасы Денсаулық сақтау министрлігінің баспасөз қызметі
🖥 Ресми сайт
https://www.gov.kz/memleket/entities/dsm?lang=kk
📱 Facebook
facebook.com/healthcare.gov.kz
📱 Instagram
instagram.com/healthcare.gov.kz
September 4, 2026 178 1
