الريِح هبّت ولا ادري عن مَساراتي
أنا مع الريح! ولاّ عكس وِجهتّها؟
ما أحمّل النفس لكنّ إحتمالاتي
إتحمّل النفس حاجة فوق طاقتّها
ضيّعت درب الكلام..وكل خطواتي
تشكّلت في قفار الصمت جِرتّها
من غربة الروح..كيف أجمّع أشتاتيّ؟
ما شتت الروح إلاّ طول غربتها
أشره على الوقت ما أشّره على ذاتي
مراحل العمر مرّت قبل حزتها
ما تاخذ من الصبح إلا ابتساماتي
وما تعطي من الليالي غير عتمتها
سود الليالي خذت منيّ طموحاتي
وأنا إلى اليوم..مدري وين ودتّها.
Forwarded fromاِئتِلاق.
July 21, 2025 732 3
