හීනයක් වෙනුවෙන් අවුරුදු 16ක්......මොන තරම් උත්සාහ කලත් ඔයාගේ ඉලක්කයට,හීනයට යාගන්න බැරි වුනාද?
දිගින් දිගටම අසාර්ථක උනාද?
අත් හැරලා දාන්න හිතෙනවද?
ඔස්කාර් ෆිගුරෝආ කියන්නෙත් එහෙම අසාර්ථක උන කෙනෙක්.තම ඉලක්කය වෙනුවෙන් දෛවයට අභියෝග කල කෙනෙක්.
බාධක,අභියෝග,දුක් කම්කොටළු,අසාර්ථක වීම් හමුවේ තමන්ගේ ඉලක්කය අත් නොහැරිය කෙනෙක්.අවුරුදු 16ක් කට්ට කාලා තමාගේ හීනය,ඉලක්කය සැබෑකරගත් උත්සාහවන්තයෙක්.මේ කතාවේ කතා නායකයා තමයි කොලොම්බියා ජාතික බර ඉසිලීම් ක්රීඩකයෙක්වන ඔස්කාර් ෆිගුරෝආ.එයාගේ ලොකුම හීනේ උනේ ඔලිම්පික් ක්රීඩා උළෙලකදී රන් පදක්කමක් දිනාගන්න එක.එහෙනම් අද අපි මේ බර ඉසිලුම් ක්රීඩකයාගේ නොපසුබස්නා උත්සාහයේ කතාව බලමු.
1983 වර්ෂයේ අප්රේල් මස 07 දින කොලොම්බියාවේ සරගෝසා නගරයේ උපන් ඔස්කාර් ෆිගුරෝආ කුඩා කල පටන්ම බර ඉසිලීමට කැමැත්තක් දක්වනවා.ඔහුගේ අරමුණ වෙනුවෙන් කුඩා කල පටන්ම පුහුණුවීම් කරනවා.ඉතාමත් දුප්පත් පවුලක උපන් ඔස්කාර්ගේ දෙමාපියන්ට ඔහුව නිසි පුහුණුකරුවෙක් යටතේ පුහුණු කරන්න තරම් වත්කමක් තිබ්බේ නෑ.ඔහු අවම පහසුකම් යටතේ පුහුණු උනා.මේ බාධක මැද්දේ ඔහුගේ උත්සාහ,කැපවීම,දැඩි අධිෂ්ඨානය නිසා 2004 වර්ෂයේ ග්රීසියේ ඇතැන්ස් ඔලිම්පික් උළෙල නියෝජනය කරමින් ඔහු බර ඉසිලීමේ තරඟයට සහභාහී වුනා.ඒත් ඔස්කාර්ට ,ඔහුගේ ඉලක්කයට ලගාවෙන්න බැරිවෙනවා.ඔහුට එහිදී හිමිවුණේ 05 වැනි ස්ථානය.ඒත් ඔහු බලාපොරොත්තු අත්හැරියේ නෑ.නැවතත් තමන්ගේ රටට ගිහින් හොඳින් පුහුණුවීම් කලා.ඒ ඊලග ඔලිම්පික් උළෙල වෙනුවෙන්.තවත් අවුරුදු 04ක් ඔහු කැපකලා.
ඒ 2008 වර්ෂය.චීනයේ බීජිං ඔලිම්පික් උළෙල.තමන් මේ පාරනම් රන් පදක්කම ගන්නවා කියලමයි ඔස්කාර් තරඟයට ගියේ.නමුත් සිද්දවුණේ හරිම අවාසනාවන්ත සිද්දියක්.තරඟය අතරතුරදී ඔහුට ලැබුන අවස්ථා ත්රිත්වයේදීම ඔහුගේ අත ලිස්සායනවා.ඒ ඔහුගේ අතේ ආබාධයක් හේතුවෙන්.ඒ නිසා ඔහුට තරඟයෙන් ඉවත්වෙන්න සිදුවෙනවා.ඔස්කාර්ට මේක දරාගන්න බැරිවුණා.හරිම.වේදනාවක්.ඔහු දුක්වුණා.ඇඩුවා.ඒත් ඔහු තම උත්සාහය අතහැරියේ නෑ.ඉතින් අතේ ආබාධය සුවකරන්න වෛද්යවරුන් ඔහුගේ අතේ ශල්යකර්මයක් කරනවා.සැත්කම සාර්ථකයි.නැවතත් ඔස්කර් තමන්ගේ ඉලක්කය,හීනය වෙනුවෙන් කැපවෙනව.අතේ ආබාධය සුව උනත් ඔහුට ඊලග ඔලිම්පික් තරඟාවලිය වෙනුවෙන් පුහුණුවීම් කරන්න ඉතිරිවෙලා තිබුනේ මාස 6 -7 ක් වගේ කෙටි කාලයක්.ඒත් ඔස්කාර් බලාපොරොත්තු අතැරියේ නෑ.දිවා රෑ නොබලා පුහුණුවීම් කලා.ඒකේ ප්රතිඵලයක් විදියට 2012 වර්ෂයේ ලන්ඩන් ඔලිම්පික් උලෙලේදී තමා නියෝජනය කල බර පන්තිය යටතේ රිදී පදක්කමක් දිනාගන්න සමත් වෙනවා.ඒත් ඔස්කාර්ගේ ඉලක්කය උනේ රන් පදක්කමක් මිස රිදී පදක්කමක් නොවේ.ඔහු තීරණය කරනවා තව තවත් මේ වෙනුවෙන් කැපවෙන්න,පුහුණුවීම් කරන්න.දැන් ඔහුගේ අරමුණ මීලග ඔලිම්පික් උලෙලේදී කෝමහරි රන් පදක්කමක් දිනාගන්න එක.
2016 වර්ෂයේ බ්රසීලයේ රියෝද ජැනයිරෝ නුවර පැවැති ඔලිම්පික් උලෙලේදී ඔස්කාර් ෆිගුරෝආ කිලෝග්රෑම් 62 බර පන්තිය යටතේ ,කිලෝග්රෑම් 318ක් ඔසවමින්, අවුරුදු 16ක් දිවා රෑ නොබලා කැපවූ තමන්ගේ හීනය,ඉලක්කය උන රන් පදක්කම උරුම කරගන්න ඔහු සමත්වෙනවා.
ඉතින් ඒ තමයි අවුරුදු 16ක් තිස්සේ කට්ට කාලා තමාගේ ඉලක්කය සපුරාගත් ඔලිම්පික් රන් පදක්කම්ලාබී ඔස්කාර් ෆිගුරෝආගේ කතාව.ඔබටත් නොයෙක් බාධක අහියෝහ හමුවේවී,කඩා වැටේවී.ඒත් කිසිම විටෙක තමාගේ ඉලක්ක,හීන වෙනුවෙන් සටන් කරන එක අත හරින්න එපා.ඒක තමයි ඔක්සාර්ගෙන් අපිට ඉගෙනගන්න තියෙන පාඩම.අනිවාරෙන් කරන කැපවීම , දවසක ඔයා, ඔයාගේ හීන ඉලක්ක දිනාගනියි.
