DIQQAT! Telegram'da yangi firibgarlik usuli keng tarqalmoqda.So‘nggi kunlarda firibgarlar Telegram guruhlari va kanallar muhokamalarida soxta akkauntlar orqali faol harakat qilmoqda.
Odatda ular:• yalang‘och yoki uyatsiz profil rasmlaridan foydalanadi;
• odamlarni bio qismidagi kanalga kirishga undaydi;
• kanalda esa zararli .apk fayllar yoki firibgar havolalarni tarqatadi.
Bunday fayl yoki havolani ochish oqibatida:• telefoningizga zararli dastur o‘rnatilishi;
• Telegram, bank ilovalari va boshqa akkauntlaringiz o‘g‘irlanishi;
• shaxsiy ma'lumotlaringiz sizib chiqishi;
• hatto nomingizga noqonuniy kreditlar rasmiylashtirilishi mumkin.
@CYBERHIMOYA tavsiya qiladi:
Noma'lum akkauntlarga ishonmang. Bio qismidagi kanal va havolalarni ochmang. Hech qachon noma'lum .apk fayllarni yuklab olib o‘rnatmang. Shubhali akkauntlarni darhol bloklang va Telegram'ga shikoyat qiling.
Guruh administratorlari uchun:Guruhingizga @ZIRH_BOT'ni qo‘shing va /antispam buyrug‘ini yuboring.
Bot sun'iy intellekt yordamida shubhali va spam akkauntlarni aniqlashga yordam beradi hamda guruhingizni bunday firibgar akkauntlardan himoya qilishga xizmat qiladi.
Birgina noto‘g‘ri bosilgan havola yoki o‘rnatilgan fayl katta moliyaviy va shaxsiy zarar keltirib chiqarishi mumkin.📣 Ushbu ogohlantirishni yaqinlaringiz bilan ham ulashing. Balki shu orqali kimnidir firibgarlar tuzog‘idan saqlab qolasiz
