اولا كده انتي لو صفر خالص هتبدأي ب كورس CS50 هيفهمك الدنيا ماشيه ازاي ف الكمبيوتر عموما يعني بعد كده بقي هتدخلي تتعلمي لغه برمجه قويه وعتيقه تعلمك المفهوم البرمجي والاساسيات ال اي مبرمج لازم يكون عارفها زي كده لغه ال c++ أو c# أو Java بس نصيحتي يعني وعن تجربتي الشخصيه وعن نصائح ناس كبيره ف المجال خليكي ف ال c++ ودي احسن واحد بيشرحها محمد الدسوقي ع اليوتيوب ودا مجاني وبردو فيه واحد كويس جدا اسمه عادل نسيم ع اليوتيوب بردو ومجاني بس خليكي مع الدسوقي لانه بيشرح براحه خالص وهو مصري لاكن عادي نسيم لهجته مش مصريه ف ممكن مش تفهميها كويس بعد كده بقي هتدخلي علي حاجه اسمها project oriented programmeing ودي اختصارها oop دي مهمه جدا هتفهمك حاجات كتر جدا مهمه ولازم تكوني متقنه ال oop كويس ودي هتلاقيها بردو مع الدسوقي بيشرحها كويس جدا وعادل نسيم بردو بيشرحها كويس ف انتي جربي شرح الاتنين واختاري ال يعجبك بعد كده هتدخلي علي حاجه اسمها data structure ودي هتفهمك ازاي تتعاملي كويس مع الداتا الموجوده في الابلكيشن أو السيستم بتاعك ودي مهمه جدا جدا ودي بيشرحها عادل نسيم كويس جدا بعد كده هتدخلي تتعلمي حاجه اسمها algorithms ودي هتعرفك طرق حل المشاكل وهتعلمك حاجات كتير جدا حلوه ومهمه جدا بعد كده تتعلمي database ودي قواعد البيانات هتفهمك ازاي تعملي قاعده بيانات للابلكيشن بتاعك أو السيستم بتاعك عشاان الابلكيشن يقدر يتعامل معاها ودي ناس كتير بتشرحها والدسوقي تقريبا بيشرحها بردو بعد كده بقي عشاان تقوي نفسك ف دا كله هتحلي problem solveng عليهم ويستحسن انك تحلي problem من الاول وانتي بتتعلمي ال c++ عشاان تبقي طالعه قويه وجامده ومفيش حاجه تقف قدامك كده هيكون معاكي أساس برمجي قوي جدا وهتقدري تقتحمي اي تخصص بكل سهوله ومش هيفرق معاكي حاجه هتلاقيهم لعبه كده ب النسبالك عشاان انتي هتكوني متأسسه صح وهتختاري بقي اي مجال انتي حباه زي ال Mobile app developer ودا بينقسم ل تخصصين native وهما Android و iOS كل تخصص منهم ليه لغه خاصه بيه ومش هتكلم ف تفاصيلهم عشان الكومنت مش يطول وفيه تخصص تالت ودا cross platform ودا معناه انك هتعملي ابلكيشن يشتغل Android و iOS مع بعض عن طريق flutter أو xamarin أو react native وفيه تخصص تاني اسمه wep developer ودا بينقسم ل ٣ تخصصات Front end developer Back end developer Full stack ودا بيجمع ل التخصصين ال فاتوا مع بعض وبردو مش هتكلم ف التفاصيل دلوقتي عشان الكومنت طول اوي الصراحه 😅 وعندك تخصصات تانيه كتير بس مش هقدر اقولهم كلهم ف كومنت واحد 😂 انا دلوقتي قولتلك علي اساس قوي جدا يخليكي ف امان وظيفي لأن التكنولوجيا بتتغير كل شويه وانتي عشاان تواكبي التغير دا لازم يكون معاكي أساس برمجي صحيح وهو ال انا قولتهولك وانا معملتش زي اي حد ممكن يتوهك ويقولك ادخلي اتعلمي اي مجال ع طول وبعد كده هتتفاجئي ب العقبات ال هتقابلك عشاان انتي مش هتكوني متأسسه صح وبردو معملتش زي كل الناس وقولتلك تعالي اساعدك برايفت مع أني برايفت كنت هلخصلك كل الكلام دا ريكوردات وهرحم نفسي من الكتابه الكتير 😂 بس انا قولت هقول هنا واستحمل اكتب دا كله بس عشاان الكل يستفاد ويشوف الكومنت بالتوفيق للجميع واسف ع الاطاله ♥️
5
4
2
