اذا كضيت يومك بسوك السمج راح ترجع للبيت وانتَ كُلك زُفره حتى لو ما طَخيت أي شي وإذا كضيت يومك بمحل عبد الصمد القريشي راح ترجع وانتَ عبارة عن عود ومسك واطيب الروائح حتى لو ما اشتريت أي شي يعني شنو ؟ يعني المكان الي راح تختاره لنفسك باجر عكبة لا تلوم بي أي أحد غير نفسك لأن إذا تختار الكعده ويه ناس تضيع الوقت بالقال والقيل ، بالليل راح ترجع وانتَ محمّل حجي فلان وعلان وإذا تختار المَشي ويه ناس تشتكي من كُلشي ما راح تحس على روحك الا وانتَ عبارة عن طاقة سلبية لروحك من أي شي وإذا تختار المَشي ويه ناس تحمد وتشكر اللّٰه على كُلشي راح تلاحظ أي شي يكون بأيدك راح يتحول لذهب لذلك لو نجي للواقع انتَ ما تحتاج تغير نفسك بكد ما محتاج تغير المَكان الي انتَ بي .
September 1, 2026 17
