چان أكو اثنين يرسمون على عمارة عالية حيل فـ واحد منهم كَمل لوحتة ورجع ليوره شويه يشوف رسمته وكلش عجبته وكلما يرجع اكثر تعجبه اكثر…….الى أن وصل للحافة بدون ميحس فـ شافه صديقه وخاف اذا يصيح عليه احتمال يفز ويوكَع ف اخذ العلبة مال صبغ وشمرها على الرسمة وخربها ،فـ ركض صاحب الرسمة وحيل عصبي وگله "ليش هيجي سويت ؟!!" جاوبه وگال "لو بقيت معجب برسمتك اكثر جان رجعت خطوة ووكعت ومتت" مرات نشوف شغلات كلش حلوة بحياتنا ،نحبها ونتعلق بيها ومانتمنى الا هي ومن گد اعجابنا بيها بلا مانحس نرجع لورا ،ومنحس انو هي سبب بتأخرنا بديننا ودنيانا وسبحان اللّٰه بأنسب وقت يخرب هل شي " بقدرة اللّٰه" صحيح ننقهر ويحتركً كلبناً بس ورا فترة أكيد رح نكتشف العبرة ونحمد اللّٰه ع خراب الاشياء الي استمراريتها بيها خراب النا ..!
January 10, 2026 386
