#نصيحة_صغيرة #Excel برنامج ال Excel بالنسبة للمهندس المدني لا يقل أهمية أبداً عن أي برنامج هندسي تاني هالنقطة يلي لامستها من الواقع حبيت شارككم فيها لما حتتقدم بالهندسة بكل خطوة حتأدرك أهمية هالبرنامج و أهمية إنك تتعلمه. مو تتعلمه كرؤوس أقلام و تحفظ كم دالة و تقول هي هيه لا تتعلمه بشكل احترافي. البرنامج أعمق من انو دالة Sum ,if,countif و إذا عرفت تفكر بطريقة صحيحة فيه حيساعدك و يوفرلك وقت كبير جداً 💠من الأمثلة يلي ممكن تفيدك بالإكسل كمهندس مدني: ١.تحقيق الأعمدة على التحنيب ٢.حساب الكميات ٣.حساب سماكة بلاطة(مصمتة،هوردي أو أي نوع تاني ) ٤.حسابات الأعمدة ٥.رسم مخططات العزم و القص و كتييير أمور غيرها كل فكرة أنت فيك تشتغلهم عالإكسل و تحتفظ فيهم كأرشيف لإلك بترجعلهم بوقت الحاجة إلهم. لهيك برأيي و نصيحة أنه كل شخص فينا يتعلم البرنامج و يتعمق فيه بالبداية حتقول أنه هااحكي شو حيفيدني،بس كل ما تقدمت خطوة بالهندسة حتأدرك أهمية هالبرنامج و بس هيك خاطرة صغيرة حبيت شارككم فيها ملاحظة على الهامش: ❗️بتتذكروا لغة ال Visual Basic يلي تعلمناها بالبرمجة يلي كتير سألنا بشو حتفيدنا؟؟ اي فيكم تطبقوها بالإكسل بمستوى متقدم😉
8
1
