Мугла вилоятида 28 ёшли ўзбек хотин Туркия фуқаросига турмушга чиққан. Тўй уч кун давом этган ва куёв тантанага 10 миллион лира (200 минг АҚШ долларидан ортиқ) сарфлаган. Маросимда анъанавий турк ёғли кураши мусобақалари ҳам ўтказилган.
Тантанадан сўнг келин куёвининг уйидан ғойиб бўлган. Кейинчалик 5 миллион лира (100 минг АҚШ долларидан ортиқ) қийматидаги олтин тақинчоқлар ҳам йўқолгани маълум бўлган. Куёв ва унинг оиласи ҳуқуқни муҳофаза қилувчи органларга мурожаат қилган.
Полиция қизни ушлаган. Сўроқ пайтида у йўқолган олтинларга алоқаси борлигини рад этган. Қиз эри томонидан таҳдид ва ҳақоратларга дуч келганини, қўрққанидан қочиб кетишга қарор қилганини айтган. Ўзбекистонлик аёл ўзи билан 20 та олтин танга ва 226 минг лира олиб кетган. Бироқ қиймати 5 миллион лира бўлган олтин тақинчоқларга тегмаганини билдирган. Унинг яшаш жойида ўтказилган тинтув ҳам натижа бермаган. Полиция олтинларни қидиришда давом этмоқда ва воқеанинг барча тафсилотларини аниқламоқда.
@BugungiGap - ТВда кўрсатилмайдиган тезкор хабарлар.
